Zer gehiago ikusi behar dugu Libanon gertatzen ari dena salatzeko. Lehengo egunean “Hau ez da blog aspetiko bat” izenburupean Israel sionistak Libanoren eta bere biztanleriaren aurkako zeraman sarraskiaren inguruko hainbat dokumentu eskaini nizkizuen. Gaur biztanleri horren aurkako eraso sistematikoen adibide diren irudi eta bideoa ekartzen dizkizuet (OHARRA: zenbait irudi oso gogorrak dira).

Esnatzen hasi gara
Processblack
Kimo

Azken oharra
Ez naiz antisemita -> Bakoitzak nahi duen erlijioa aukeratzeko edo ez aukeratzeko eskubidea duela uste dut.
Ez naiz erlijiosoa -> Ez naiz kristaua, judutarra, musulmana …
Ez naiz inpartziala* -> Israel, AEB estatu inperialistaren txontxongiloa dela pentsatzen dut.

*inpartziala -> mass mediak inpartzialak omen dira. Enpresa, alderdi eta entitate ezberdinek finantziatzen dituzte. Niri inorrek finantziatzen ez nauenez…

Gure inguruan (eta orain ingurua ez du geografiak zehazten) gertatzen ari diren gauzak kontutan hartu behar dira. Nire blogean (eta eBlogsoferan orokorrean) ez da Israelen terrorismoari buruz hitz egin. Ez naiz honetan sakonean sartuko baina hainbat datu eman nahi ditut, batez ere pentsarazteko:

• 300 pertsona baino gehiago hil ditu Israelgo armadak
• Beirut ia guztiz suntsitu dute eta ondoko herriak ere txikiturik daude.
• Zubi eta instalazio zibilak erasotu dituzte
• Ez dute inongo bereizketarik egiten zibilen eta militarren artean, gehiago da zibilak erasotzen dituzte jakinda.
• 26 tona bonba jaurti dituzte Beirut gainera.
• Bideo batzuk
• TELECINCO
• Jendea Libanotik ihesi
• 26 tona bonba jaurti dituzte Beiruten
• Aporrea
• Israel Beiruteko erdigunea erasotzen du. 295 pertsona hil dituzte
• Argazki batzuk
• Beiruteko sarraskia argazkitan
• Baghdad Crhis izeneko flickr erabiltzailearen argazkiak zuzenean libanotik

Blogosfera esnatuko al da? Mezu honen iruzkinetan informazio interesgarria aurkitzen duenak sartzeko aukera dauka. Estekak, Bideo gehiago, Irudiak etab.

Technorati Tags: libano, israel, guda, gerra, erasoak, beirut, kexa, jendartea, politika

Gaur Berrian egin zidaten elkarrizketa azaldu da. Elkarrizketarako deia egiteko lan egiten dudan enpresarekin jarri ziren kontaktuan eta ondoren nirekin telefono bidez. Hasieran telefono bidezko elkarrizketa bat izan behar zuenak, azkenean Andoaingo Martin Ugalde Kultur Parkean egin genuen. Hor joan ziren 30 minutu baino gehiago Edu Lartzangurenekin. Gustora kontatu nizkion berak galdetutakoak eta gehiago. Berrian orri erdi hartu du, 30min baino gehiagoko elkarrizketa bat orrialde erdian sintetizatzea zaila izaten da, baina Eduk nahiko ondo egin duela uste dut (Blogari. com ez baizik eta blogari.net izan behar zuela kontutan hartu gabe )

Enpresa digitalean eta UEUren partaidetzarekin ematen ari naizen Web 2.0ri buruzko ikastaroa oso ondo doa. Nire ikasleen artean informatikariak, publizistak, euskara elkarteetako jendea, egunkarietako langileak, webmasterrak etab. daude. Nahiko ikasle finak eta gero eta parte hartzaileagoak. Ikastaroa amaitzean bertan erabilitako materialak internetera igo eta denon eskura jarriko ditugu, norbaitek hauetan interesa ikusten badu erabiltzeko.

Ikastaroak Web 2.0 aplikazioak (batez ere Blogak, Jarioak eta Wikiak) erabiltzearen alde on eta txarrak, dudak, kezkak, adibide on eta txarrak azaltzen saiatu naiz. Web 2.0ren apologiatik aldendu nahi dut eta pertsonak eta hauen jarreretan izan dezakeen eragin eta aplikazio positiboak jaso nahi izan ditut.

Elkarrizketara bueltatuz, bertan galdera hau egin zidaten: Iaz Flickr izan zen izarra, norberak Interneten bere argazkiak jartzeko zerbitzua. Aurten, bideoak plazaratzeko YouTube izan da protagonista. Zer izango da hurrengoa?. Nire erantzuna nahi bat izan zen eta ez iragarpen bat (total ez asmatzeko ). Podcastingak aurrera egingo zuela hurrengo hilabete/urtean. Zein da galdera honen aurrean erantzungo zenukeena?

P.D: Google bere bilaketa garrantzitsuenen edo interesgarrienak azaltzen dituen Zeitgestean podcastinga aipatu du.

RSSarekin egin zen bezala orain OPMLarentzat ere ikono bat proposatu da. RSSaren kasuan hainbat ikono ezberdin zeuden hasieratik baina OPMLaren kasuan zeuden ikonoak oso gutxi zabaldu dira.

Proposamena Chirs Pirillok egin du bere blogean.

Erlazioa duten mezuak
OPML formatua
OPML fitxategiak beste pauso bat
Adibidea: blogari direktorioaren opml fitxategiak

Beno, ba bihar da.
Bihar da “bakearen aldeko kontzertuaren” eguna. Bakearen aldeko kontzertua? Beno hori dudan jarri dezakegu. Spencer Tunikek jendea biluzik ateratzeagatik eta Donostia promozionatzeagatik egin zuena “Bakearen aldeko biluztea” ere deitu genezake. Baina beno hori ez da gaurko gaia.

Kriston montajea egin dute Donostiako Zurriola ondartzan. Gaur bertan egon naiz eta Mikel Laboa probak egiten ikusi dut. Bertan egon gara batzuk Mikel Laboaren “Izarren hautsa” entzuten. Zeinen ederra izan daitekeen Mikel Laboa ikustea berriro ere, “que barbaridad Mikel, que barbaridad…”. Hainbeste kanta mitiko eta paraje ederrean, bakearen alde borrokatu ez duten pertsona askoren ondoan egongo naiz, baina beno ni zu entzutera noa.

Bob ere ikusteko gogoa daukat. Zergatik ez, “Gudaren aurka” eta “Eskubide zibilengatik” borroka-kantu horiek entzun nahi ditut. Baina Bob horiek kantatzeko nik behintzat sinpletasuna nahiago.

• Ez ditut zure 4 autobus beltzak nahi
• Ez dut zure Maria Cristinako egonaldia eduki nahi
• Ez ditut zure chef pertsonalak nahi

SINPLETASUNA NAHIAGO NUEN!

Mezu hau hemen amaitu behar zuen baina, Andoainera bidean pankarta hau ikusi dut “EL PP NO QUIERE LA PAZ”. Sinadurarik gabe zegoen, baina neronek sinatuko nuen, bat nator. Hau ere erantsiko nuke “EL PP QUIERE EL FRANQUISMO”. Batez ere Europan fraquismoaren aurka irten den ebazpena sinatu ez duenean.

Beno ahaztuta nuen hemen doa grabatu dudan bideo txiki bat, egin duten montajea ikusteko.