1989ean Francis Fukuyama AEBetako politologo famatuak Historiaren bukaera iragarri zuen: “kapitalismoak irabazi du betiko”, zioen. Ez da denbora asko pasatu irabazleek behea jotzeko. Gizateriak, benetan, beste gizarte mota bat behar du. Egungo sistemak milaka milioi pobre sortzen ditu; lana egiteko (aldi baterako) zortea duten horiek larritasunean murgiltzen ditu; gerrak biderkatzen ditu eta Lurreko baliabideak xahutzen ditu. Gizateria oihaneko legearen menpe bizitzera behartu nahi izatea, jendea ergeltzat hartzea da. Nola lortu gizarte onberagoa, pertsona guztiei etorkizun duina eskainiko diena? Horixe da denek zabaldu behar dugun eztabaida. Taburik gabe.

* Krisiari buruzko informazioa hedatzeko ekimenaren barnean egindako itzulpena

Berria egunkariak bere webgunea berritu du. Dudarik gabe beharrezkoa zen gauza bat. Orokorrean aldaketa oso positiboa dela uste dut, norabide egokian egindako pauso garrantzitsu bat.

Positiboena

• Pantaila handiagoetara egokitzeko saiakera.
• Iruzkinak gehitzea.
• Kolore sistema interesgarria.
• Twitter eta Sindikazioaren erabilpena.
• Bideo edizio propioa eta EusalTubeko bideoen txertatzea.
• Albiste bozkatu eta irakurrienen jarraipena egiteko tresna.
• Informazioa Zabaldu, Bildu etab. hedatzeko aukera erraza.

Hobetzeko

• Erredakzio handi bat izanik ez da ulertzen Interneten hain informazio gutxi sartzea denbora errealean. Laburragoa bada ere informazio gehiago sartu beharko lukete eta ez paperean idazten duten moduan baizik eta interneterako pentsatutako idazkerarekin.
• Harrigarria bada ere eduki batzuek ez dute jario bereziturik. Sortu diren kategoria ezberdinek bere jario propioa beharko lukete. Dauden jarioak nahiko nahasgarriak dira, Berria ezagutzen ez dutenentzat izena eta gaia erlazionatzea zaila izaten da.
• Hitza guztietan bezala mikroformatuak eta beste teknologia semantiko batzuk faltan botatzen dira. Hitza ezberdinetan erabiltzen bada zergatik ez Berriako webgunean.
• Informazio geolokalizatua faltan botatzen da. Mapak oso garrantzitsuak bilakatu dira informaziaren testuingurua emateko garaian. Hedabideen esparruak kontutan hartu beharko gauza bat dela uste dut. Kazetak adibidez geolokalizazioa gehitu du albisteetan.
• Parte hartzeko aukera batzuk badira ere albiste berriak bidaltzeko aukera e-mail batez egiten da. Zuzenean informazioak bidaltzeko aukera egotea interesgarria litzateke, nahiz eta ondoren ikuskatua izan.
• Loturak egiteko, informazioaren iturriak zehazteko, interneten sortutako edukia informazioa osatzeko erabiltzeko ordua iritsi da. Gaur egun kazetarien lana ez da hainbat tokitatik informazioa hartu eta dena dakiten itxura ematea, badakigu ezinezkoa dela. Informazio interesgarri asko dago sarean, informazio hori estekatu, aipatu, berrerabili, hobetu albisteak osatzeko.
• Berriaren sare soziala oso indartsua da eta ez da bere erosle edo harpidedun sarera mugatzen. Sare sozial hori interneten isla eduki beharko luke webgunearen inguruan edo tresna berezitu bat erabiliz. Sare sozial horren parte diren pertsonen arteko erlazioa sustatu beharko luke Berriak eta ez du egiten. Harpidedunaren txokoa interesgarria da baina zentzu bakarrekoa adibidez. Atal hau estrategikoa eta atzeraezina da Berriaren etorkizunarentzat.
• Informazioa Bildu, Zabaldu etab. banatzeko aukera ematen da baina ez zaio jendeari azaltzen tresna horiek zer diren edo nola erabili behar diren. Jendeak botoi arraro bat besterik ez du ikusten.
• BerriaTBko bideoak Podcast bidez ere zabaldu beharko lirateke. Bideoen sorkuntza konponduta oso erraza da. Horrela jendeak Miro bezalako programak erabiliz berriaTB telebista kate pertsonalizatu baten moduan jaso ahal izango du.

Gaizki esanak barkatu eta ondo esanak ondo hartu.

Zerberri albiste bilatzaile berria zure webgunean edo blogean jar dezakezu orain. Horretarako joan zerberri.com webguneko eraman nazazu gunera eta bertako kodea zurean itsatsi.

Zure nabigatzaileko bilaketa kutxan gehitzeko aukera ere eman nahi dizugu. Mikel Olasagastik egindako ekarpenari esker zure bilatzaileen artean Zerberri jartzeko aukera izango duzu. Nahikoa da nabigatzaileko bilaketa kutxan duzun bilatzailaren ordez zerberri bilatzailea aukeratzea webgunera sartu ondoren.

Krisiak Iparraldean dituen ondorioz bakarrik hitz egiten digute. Egia esan, hirugarren munduak ondorio larriak sufrituko ditu krisiak sortuko dituen atzeraldi ekonomikoaren eta lehengaien prezioen jaitsieraren ondorioz.

* Krisiari buruzko informazioa hedatzeko ekimenaren barnean egindako itzulpena

Krisia sortu ez, azken 20 urteetako moda neoliberalak bizkortu egin du. Neoliberalismo hori hirugarren munduan ezartzen saiatu dira herrialde aberatsak. Hugo Chavezen zazpi pekatuak liburua idazten ari naiz orain. Hori prestatzen nabilela ikasi ahal izan dudanez, neoliberalismoak milioika pertsona miseria gorrian utzi ditu Latinoamerikan. Baina Hugo Chavez, erresistentzia seinalea bidali duen gizona; Munduko Bankuari, multinazionalei eta NDF Nazioarteko Diru Funtsari aurre egin dakiokeela frogatu duen gizona; pobrezia gutxitzeko neoliberalismoari bizkarra eman behar zaiola erakutsi duen gizona; etengabe deabru bihurtzen dute hedabideetako gezurrek eta oinarririk gabeko difamazioek. Zergatik?

* Krisiari buruzko informazioa hedatzeko ekimenaren barnean egindako itzulpena