Beste txoriek kontatu didate Donostian gure txoria hil dela. Hegoak ebaki bagenizkio gurea izango zen ez zuen alde egingo, baina horrela ez genuen Antiguoko kaleetan paseatzen ikusiko, Ondarreta hondartzako bankuetan ikusiko.
Bere abestiak maite ditugu maite, askok eta askok, gaur abesti horiek gurekin gelditzen dira, copyright-a dute bai, baina guri hori berdin zaigu, asko eta asko guretzat domeinu publikoan daudelako. Euskal Herriko kale askotan entzungo dira zure Gernikako hitz ulergaitz horiek, orain zuregatik.
Hegan egin du, joan dadila orain bere sorgin guztiekin Baga-Biga-Higa eta izarren hautsak jaso dezala bere izar dizdiratsuenetako bat. Mikel Laboa gaur herriarentzako jaio da.