Librezale komunitatearen itzultzaile bolondres batzuen lan handiari esker Firefox 3 hasieratik euskaraz lokalizatua dugu. Zorionak guztiei, orain Firefox zabaldu eta erabiltzeko deia egitea egokitzen zaigu beste guztiei. Jarri bannerra, komentatu zure lagunekin, zabaldu posta elekrtonikoz, berehalako mezularitzaz, twitter, sare sozialak etab.
Honetaz gain, edozein nabigatzaile erabiltzen dugula ere garrantzitsuena Euskara hizkuntza lehenetsi bezala markatzea. Honela web guneak hainbat bertsio baditu euskarazkoa erakutsiko zaigu lehenengo eta gainera hau estatistiketan kontuan hartua izango da jende gehiagori euskarazko web guneak egitea “behartuz”. (Luistxoren apuntea iruzkinetan)
Gogoratu jendeari euskarazko Firefox izateaz gain, inportantea dela euskara lehenestea nabigatzaileko hizkuntza gisa. Hemen azalpen batzuk.