Bihar, Oarsoaldeko Hitzan egongo naiz inguruko datuen inguruko jarraipena egiteko. Bertako kazetari jatorrekin batera oarsoaldeahitza twitter erabiltzaile bidez datuak eta informazioa emango dugu denbora errealean. #hautes etiketa erabiliko dugu mezu horiek etiketatzeko Sustatukoek egingo duten moduan. Politika 2.0ren inguruko jendeak #botoa09 erabiliko duenez hau ere integratuko zuen webgune txiki bat prestatu dut, twitter erabiltzen ez duzuenok ere jarraitu ahal izateko:
•
Mugimendu Sozial Banatu(ar)en aldeko manifestua
Paretoren legea, hauteskundeak eta mugimendu berri baten hasiera
Paretoren legea ezagutzen dugunok badakigu gauza askotan aplikagarria dela jendarterako ere. Paretoren legeak gertatzen denaren %80a %20aren eragina dela esaten du. Normalean negatiboa denari aplikatzen zaio horrela jendartearen %20a maltzurra da eta %80ak maltzur hauen eragina jasaten dugu. Egia esan, uste dut Paretoren legea betetzen dela %20ak metatzen baitu aberastasunaren parte handien eta %80ak hau pairatzea tokatzen zaigu. Sare jendartearen garaian arrazonamenduak ezin dira murrizpen hauen bidez guztiz azaldu, askoz ere konplexuagoa baita errealitatea baina hain da larria gai honetan gerteatzen dena, azalpen hau baliagarria izan daitekeela.
Hauteskunde hauetatik eta gure botoa karta zuri bat bezala ulertzen duten politikariengatik ez dut ezer espero. Badira betetzea nahi ditudan gauza batzuk, baina gaurko politikariek ez dituzte beteko, gauza batzuen artean beraien papera desagertu edo aldatuko litzatekeelako.
Hauteskunde hauetako gai garrantzitsuena krisia izan da, baina inorrek ez digu azaldu krisiaren arrazoia ez dela guztiz finantzieroa baizik eta %80ak aberastasun nahikoa ez duela eta kredituetan sartu behar izan duela limiteraino, zenbait finantza erakundek eman dituztelarik. Alegia, arrazoia ez da finantzieroa %20aren metaketa eta berekoikeriak %80a ezer egiteko aberastasunik gabe utzi du. Sistemak horretarako bidea ematen du eta gainera hori da sistemaren barnean arrakasta izateko era bakarra, ahalik eta aberastasun gehien metatzea. Horretaz gain, alderdi politiko gehienek %20 horren mesedetan egiten dute %80aren aldeko politikak hartu beharrean.
Blog hau jendartea eta teknologia uztartzen saiatu da hasieratik, hori izan da bere lema eta horri dagokionez, hauek dira nire eskariak:
- Software librea sustatu esparru publikoan, hezkuntza arloari garrantzi berezia emanez.
- Formatu libre eta estandarren erabilera, independentzia teknologikoa eta elkarrerangitasuna ziurtatzeko.
- Edukien erabilera librea ziurtatuko duten tresna legalak erabiltzea eta hauen zabaltzea jendarte osoari.
- Demokrazia ekonomikoa eta parte hartzailea gauzatzea eta aberastasunaren banaketa egoki baterako neurriak hartzea.
- Osasuna, hezkuntza, eskubide sozial, lan arloan erabaki sendoak eta kobertura zabalekoak hartzea, arlo publikoa handitzea eta joera pribatizatzaileekin bukatzea.
- Aurrekontuak eta administrazioaren jarduna erabat gardena, herritarrek fiskalizatzeko aukera izan dezagun.
- Egoera larrienean dauden sektoreei arreta berezia. Oso famatua da mundu mailan BPGaren %0,7a ematea pobrezia bukatzeko (herrialde gehienek ematen ez dutena), baina Eusko Jaurlaritzaren kasuan adibidez barne pobrezia eta esklusioari aurre egiteko aurrekontua ez da %0,3ra ere iristen.
Puntu hauei guztiei eragiten dielako ez da puntu bakarrean azaltzeko gauza baizik eta denei eragiten diena. Euskararen aldeko aurrerapauso sendoak, jakinda gainera planteatzen diren puntu horiek, helburu hori lortzeko erarik hoberena izan daitezkeela.
Gauza gehiago egon daitezke baina hauetako batzuk dira niretzako garrantzitsuenak. Badakit Gasteizko parlamentuan egon nahi duten horiek ez dituztela beteko eta horregatik pentsatzen dut politika egiteko era berri bat jaioko dela. Tresnak eta baliabideak ditugu, Euskal Herrian mugimendu sozialen ibilbidea handia da, asmo hauek kanalizatuko dituen mugimendu sozial banatu bat behar da eta hori ez da gure botoa eskatzen duten horien eskutik etorriko. Ez da apolitizismoa, nire ustez politika “ogiaren prezioaren salneurria ere bada”, politika egiteko era berrien jaiotza besterik ez. Ez da politika 2.0, hacker politika da eta denon artean (des)egituratzea tokatzen zaigu.
Goazen swarming-ean, frenteak mila, bururik ez, bakoitzak berera, denok batera, hack the planet!
•
Asteroko twitter laburpena 2009-02-22
- Ziberekintzaileak martxan dira Maite eta bere lana defendatzeko http://tinyurl.com/b8ajl7 #
- Bihar http://herriakalera.net 6:30tan eta gero Demokrazioa ekonomikoari buruzko hitzaldi bat KMKn http://tinyurl.com/agjmw9 #
- M1 Euskal Herriko Alderdi Globala sortzeko lehen eguna. Lema: EHtik Mundura. Pertsonak: Interneteko jende aktiboa. Politika:Wikian zehazteke #
- EHAG sortzeko animorik bai? Alderdi bat baino komunitate bat, sare banatu egiturarekin! #
- DV(A)skok zerbait publikatu du krisiaren inguruan Frente a la crisis, a la calle! http://tinyurl.com/d3jn8a #
- Seguro que han sido los vascos: Se desprende una superficie de hielo antártico dos veces el tamaño de Euskadi. http://tinyurl.com/af5cao #
- Ay amaaaaaaaa! Mr Spok! Hau ere entzu behar http://tinyurl.com/atk4sh #
- Nekane Juradoren hitzaldia errepikaezina pasada bat. Esan duena zabaldu behar dugu, laguntzarik? #
- Papeletak jaitsi ditut, d3m itzaltzen badu Garzonek nire blogean jarriko ditut. “Un desalojo, mil ocupaciones” #
- Maiteren aferak indarra hartzen doa http://tinyurl.com/b8ajl7 irakurri Deiakoa nEGArgura berriro. #
- Patio maravillas irratian fermin entzuten zuzenean a capela ia ia giss.tv:8000/hamlab.ogg #
- Leioan egongo naiz 12tan norbait? #
•
Quien no llora no mama, Zorionak denei
Guztion nEGArrak edo hobe esanda indarrak lehenengo fruituak eman ditu. Eusko Jaurlaritzak orain arte jarrita ez zituen EGA ikastaroak (2006 arte) jarri ditu PDFan. Ez da kasualitatea izan eta guztion indarraz lortutako zerbait dela uste dut, zorionak. Hala ere, helburua Maiteren lana berriro sareratzea da.
Hori bai, Maitek egin zuena eta egiten duena hori baino gehiago izan da, ez zituen PDF hutsak Interneten jarri, baizik eta lan asko egin ondoren hauek automatizatu eta denontzako eskuragarri jartzea lortu zuen. Pertsona bakar batek!
Oihartzuna gero eta handiagoa da, beste hedabide tradizional batzuek ere informatu dute Diario Vasco, Deia eta Noticias de Gipuzkoa kasu.
Deiako artikuluan gainera administrazioaren erantzun bat ere ematen da. Oraindik nEGArgura gehiago sortzen digute Iban Ajengoren hitz hauek:
[...]Tras insistir en que “hay que respetar los derechos de autor y de edición”, el Departamento de Educación consideró “de gran interés” el trabajo de Goñi y mostró su disposición a apoyar este tipo de proyectos, “siempre y cuando se tengan en consideración las exigencias legales y los derechos de terceros”.
Arrazoi du, baina hirugarren horiek gu gara, jendarte osoa eta gure exijentzia eduki hori sarean eta libre behar duela da.
•
Zoriontasuna neurtzen
Atzo GINI koefizienteari buruz hitz egin genuen baina Julen Iturbe langunarekin hizketan zoriontasuna neurtzeko beste parametro batzuk ere ezagutarazi zizkidan.
Happy Planet da horietako bat, honen bidez estatu ezberdinen sailkapen bat egiten da hauen zoriontasun maila kontutan hartuta. Aberastasuna kopurua, negozio mailak, jabetzak kontatu beharrean neurri honetan, herrialdearen marka ekologikoa, bizitzaren satisfakzioa eta bizi itxaropena hartzen dira kontutan, formula honen arabera.
| HPI = |
Life satisfaction x Life expectancy
|
x ß |
|
|
||
|
Ecological Footprint + α
|
Julenek aipatzen duen beste bat ONUren Giza Garapenaren Indizea da. Neurri honek bizitza luzea eta osasungarria, hezkuntza eta bizitza maila egokia hartzen ditu kontutan. Hemen duzue sailkapena.
Neurri hauek argi uzten dute askotan gauzak edukitzea ez dela garrantzitsuena zoriontsu izateko. Jendarte honek sortu dizkigun behar askorekin bukatu behar dugula pentsarazteko balio izan didate niri.
•
Aberastasunaren banaketari buruz jakin nahi zenuena eta inorrek kontatuko ez dizuna
Aberastasunaren banaketa ere politika kontua da eta Euskal Herrian (eta munduan orokorrean) oso gutxi hartzen da kontutan. Kontuak makilatu egiten dira, datuak ezkutatu, noski lehenengo munduan bizi gara eta beste batzuk baino aberatsagoak, noski! Baina hemen ere aberastasunaren banaketa ez da batere zintzoa. Datu batzuk (EAE 2008):
BPG 70.631.253.000 euro
BIZTANLEAK 2.141.860 lagun
BPG per capita 32.977 euro
Errenta per capita 28.731 euro
Ez dakit zuei baino hau horrela izanik niri behintzat ez zaizkit kontuak ateratzen, non dago nik jaso behar nuen dirua? Zeinek dauka? Lagunekin hitz egin dut eta beraiei 28.731 euro horiek ezinezkotzat jo dituzte, adin kontua ote? Nire aitari galdetu diot, nire ezagunei, hauen erantzuna… 28.731 euro jasotzen ditudala urtean? JaJajaja.
Hau gutxi balitz, hona hemen ezkutatzen diguten neurri bat GINI koefizientea[es]. Gini koefizientea aberastasunaren banaketa (edo metaketa) neurtzeko indize bat da. GINI indizearen arabera:
- 1. Namibiak 74,3 (banaketarik okerrena)
- 130. Danimarkak aldiz 24,0 (banaketarik hoberena)
Gure inguruko herrialdeei begiratzen badiegu.
- 86. Espainiak 34,66
- 103. Frantziak 32,74
Ba EAEko datuak hartzen baditugu
EAE 11. den Brasilen mailaren inguruan aurkituko litzateke 55ko balioaren inguruan
Horrek esan nahi du EAEn aberastasunaren banaketa erabat justiziarik gabekoa dela. Aberastasunaren banaketa baino, aberastasunaren metaketa oso handia, lotsagarria dagoela esan daiteke. Denok dakigu non dagoen aberastasun hori, orain ez daitezela etorri guri kontuak eskatzera. Ipar Europako herrialdeekin konparatzea gustatzen zaienei, hasi daitezela honetan ere konparaketak egiten.
Beste ondorio bat atera daiteke honetatik, aberastasunaren metaketa hain da handia ezin dela era normal batean maila hori eskuratu. Horrek esan nahi du batzuk, besteenganako zapalketaren bidez lortzen dutela aberastasuna. Hori izan daiteke arrazoi bakarra. Ez dira argiagoak, azkarragoak, hobeagoak, zapaltzaileagoak baizik. Nire lagun batek esaten duen bezala “Ez dut bere lanarekin aberastu den inor ezagutzen” eta datuek arrazoia duela esaten dute.
Bukatzeko, seguru nago zuetako askok ez zuela GINI koefizientea ezagutzen, ez pentsa atzo arte nik ere ez. Zaila izango zaizue gainera, herrialde askok bere estatistika neurrietatik kentzea erabaki zuten eta, kasualitatea txo! Baina datu hauek, pentsatzen nituen gauza asko baieztatzen dituzte, baieztatu baino gehiago beldurra ere sortu didate. Nola bizi gaitezke hau onartuz? Beno bai, hipoteka ordaindu beharra, lan prekarioa, ikasketen ordainketa… Ulertzen dut, ez pentsa, baina…
Datu batzuk Elkartzenen aurkezpen batetik hartuak izan dira.
•
Ezagutza zabalduz defendatzen da
Badoa forma hartzen sareko euskal komunitatearen nEGArgura mezua. Forma askotan, zentzu askotan, bakoitzaren sare sozialean barna, banaturik, dispertso, ez du bururik eta ez du izan nahi. Aldiz, zentzu asko eta anitz, bakoitzak bere tresnetatik, bere ideia eta pentsakerarekin nahastuz Maite lagunduz eta zentzu zabalagoan euskararentzat atzerapasuo bat dena salatuz.
Hedabide handiagoek ere (Berria eta Euskadi Irratia) ere txoko batzuk eman dizkigute bozgorailu modura eta deia azkar hedatzen dabil. Sarean badira tresnak ukazio hauei buelta emateko, lehenengoa protesta eta horretan gaude, gero gerokoak. Helburua posiblea da Maitek egindako lanak berriro sareratzea eta helburu handiago baten parte da (euskarazko) eduki libre gehiago izatea.
Ezagutza zabalduz defendatzen da.