Internet globala bada ere, elkar ezagutu eta ulertzeko zailtasunak izaten ditugu. Orain arte, hizkuntza gutxituak erabiltzen ditugunok ezagutzera eman nahi bagenuen, lingua franca bat erabili behar genuen. Oraindik ere, mundu fisikoan horrela izan ohi da. Baina, hizkuntzaren inguruko teknologiak jasaten ari diren aldaketari esker, bakoitzak bere hizkuntzan egin eta denok ulertzeko moduan egongo gara.

Erraztasun handiak ematen dira, bideoak itzultzeko adibidez. Teknologia automatikoak eta parte-hartzea, prozesu bikoitzaren bidez. Hau da, teknologia iristen ez den puntuetan gizakiok hartzen dugu parte. Horrela bideoak automatikoki transkribatu eta jendearen laguntzaz azpidatzi ditzakegu Youtuben. Testuinguru honetan egile eskubideek ezarritako murrizketek eragina handia dute. Orain hau posible dela, murrizketa gogorrak ezartzea oso txarra izan daiteke, eskasia sortzera mugatuko gaitu, oparotasuna sortu beharrean. Honek eta jendearen ekarpenekin egindako ekimenak, komunikazio gerrila ekintzak, elkar sortze lanak… hurrengo urteak markatuko dituzte.

Hala ere, garrantzitsuena teknologia horiek gure testuinguru errealean txertatzen direnean gertatzen da. Zer gertatuko da Blogetan, sare sozialetan, idatzi edo jasotzen ditugun testuak automatiko itzultzean? Txinara joan eta bertako kartelak ulertzen hasten bagara? Edota, beste pertsona batekin bere hizkuntza ezagutu gabe, zuzenean komunikatzeko aukera badugu?