Facebook kontua itxi dut eta 27.000 pertsona gehiagok ere egin dute gaur. Desaktibatu behintzat bai, oraindik nire datuak mantenduko dituzte beraien politikaren arabera nahiz eta joan hori egin nahi dutelako. Koakzioa erabiltzen ere saiatu dira, zenbait lagun galduko ditudala esanez, hilko balira bezala, begira bestela irudia.
#
Facebook-ek gero eta aurkako jarrera gehiago sortzen ditu. Horretarako arrazoiak badaudela argi utzi nahi izan dut blog honetan. Ez naizela bakarra ere nahikoa argi dago. Hau dena kontutan hartuta, zibermatxinadara deitzen gaituzte. Maiatzaren 31ean Facebook uzteko eguna deitu dute. Nik jada izena eman dut eta mezua zabaltzen saiatuko naiz. Jada 20.000 baino gehiago gara.
Proiektu interesgarriak aurkeztuko dira Demokrazia Ekonomikoari buruzko II. Topaketa transnazionalean.
Szena, Las Indias Electrónicas Grupo Cooperativo, grado LEINN, Economía Abierta, Bagara prozesua, GBE-NER.
#io2010 # # # http://bit.ly/aRcY2l #
Lehen hitzaldi azkarrak jada definitzen goaz. David de Ugarte eta Las Indiaseko lagunek Las Indias Electrónicas Talde Kooperatiboari buruzko hitzaldia emango dute. Julen Iturbek egiten ari diren ekonomia irekiari buruzko beraien ikerketa azalduko digu. Luis Pérez de Szena sortu nahi duen garatzaileen arteko kooperatibaren ideia aurkeztuko du.
Beach & Beers, blogik ez oraingoan
Albisteak 2.0.010 from Albisteak 2.0 on Vimeo.
Googlek gure egongeletara LTDaren etorkizuna txikitzera eta audientzien fragmentazioa ekartzera dator. Internet telebistara eramango du, honek duen elkarreragiteko aukera guztiekin. Gauza on asko, baina baita betiko beldurrak ere.
Maiatzaren 28an demokrazia ekonomikoaren II. jardunaldi transnazionalak izango dira. Jardunaldi hauek auzolanean antolatutakoak dira. Bere helburua aurten kooperatibismoa, ekonomiaren forma berriak, komunitateak… bezalako gaiak lantzea da. Eztabaidak, mintegiak eta hitzaldi azkarrak izango dira erabilitako formatuak. Las indias talde kooperatiboko lagunak gurekin izango dira. Edozein kasutan etengabe garapenean dagoen prozesu bat da. Interesgarria den kooperatibaren batek, edo kooperatiba izan gabe gai hauen inguruan interesgarria den norbait ezagutzen baduzu parte hartzeko deia zabaldu berari. Euskarazko eztabaida-mintegi bat ere izango da bertan, “Euskal Herriko kooperatibismo eredua, honen berrikuntzan eta etorkizuneko ibilbideak”. Animatu!
Love will Tear Us Apart AGAIN! Nire bizitza markatu duen eta markatzen ari den abestia. Orain dela 30 urte utzi gintuen. Doctor Deseoren bertsioarekin omenduko dut nik.
Azken egunetan ikusi dugu Cuatroko Manolo Lamaek eskale bati egindako iseka nazkagarriaren bideoa. Jendea haserretu eta sare sozialak erabiliz Manolo Lama botatzeko eskatu dute eta barkamena eskatzera behartuta sentitu da. Opelek Cuatroko patronizatzaileak ere, segur aski bere marka patronizatu nahian azalpenak eskatu dizkio kateari. Oraindik ez dute bota eta Pascual Serranok mezu argitzaile batean bere duda azaltzen du Prisan lan egiten duen kazetari bat botatzeko behar denari buruz. Baina edozein kasutan, inorrek ez du pertsona honen egoera salatu, inor ez du arazoaren errora jo. Hutsalkerian gelditzea erabaki dute askok (batzuk besteak baino gehiago). Erradikaltasuna aldarrikatu nahi dut, arazoen errora joateko beharra.
#nonick # RT: @alexpuig: Blueknow, Shotools y Webphone, ganadores del IV Campus SeedRocket http://sho.tc/9z #
Eguneraketa: Asier Arsuagak GTranslate blogean edo webgunean instalatzeko euskarazko manual bat sortu du.
Google-ek GTranslate barruan euskara sartu du. Horrek esan nahi du, itzulpen automatikoa erabiltzeko aukera izango dugula. Oraindik alpha fasean dago, baina jada erabilgarria da. Batez ere, honek zentzu guztietako itzulpenak egiteko aukera ematen du, beraz euskaraz idatzi eta besteek “ulertzeko” moduan erabiltzeko. Kalitatea ez da oso ona, itzulpen estatistikoa (iturria: @julen) darabil eta seguraski euskararen kasuan horrek ez ditu emaitza hoberenak emango. Hala ere, Erderatu eta Opentrad proiektuek ematen ez zuten aukera bat ematen du, euskaratik hizkuntza askotara itzultzea. Kalitatezko itzulpenak bilatzen jarraitu beharko dugu, Opentrad zentzu horretan proiektu hoberena da, zer ematen duen ikusi beharko dugu. Baina, kalitate aldetik ez bada ere, Googlen euskara kontutan hartzen hasi direla esan nahi duelako da garrantzitsua.
Horregatik nire blogean txertatzea erabaki dut. Hona hemen hori egiteko prozesua. WordPresserako egin dut, baina edozein webgune edo blogerako balio dezake.
1. Itzulpena zein hizkuntzatan egin nahi duzun erabaki.
Hauek aukeratu ditut: Español, Français, Català, Galego, Português English, 中文
2. Ondoren hauei loturak jarri ditut. Nire kasuan mezu bakoitza itzultzeko moduan egin nahi izan dudanez, mezu bakoitzean jarri dut WordPress-eko loop famatua baliatuz. Hala ere, hau ez da beharrezkoa webgune osoa itzuli nahi badugu:
<a title=”Español” xml:lang=”es” lang=”es” href=”http://translate.google.com/translate?hl=es&sl=eu&tl=es&u=<?php the_permalink(); ?>”>es</a>
3. Horretaz gain, nahi duenarentzat lotura gehigarri bat ere jarri dut, aukeratu ditudan hizkuntzatako bat erabiltzen ez badu itzulpena egin ahal izateko.
Horrela gelditu da kodea:
| Lang [αuto]:
<a title=”Español” xml:lang=”es” lang=”es” href=”http://translate.google.com/translate?hl=es&sl=eu&tl=es&u=<?php the_permalink(); ?>”>es</a> |
<a title=”Français” xml:lang=”fr” lang=”fr” href=”http://translate.google.com/translate?hl=fr&sl=eu&tl=fr&u=<?php the_permalink(); ?>”>fr</a> |
<a title=”Català”xml:lang=”ca” lang=”ca” href=”http://translate.google.com/translate?hl=ca&sl=eu&tl=ca&u=<?php the_permalink(); ?>”>ca</a> |
<a title=”Galego”xml:lang=”gl” lang=”gl” href=”http://translate.google.com/translate?hl=gl&sl=eu&tl=gl&u=<?php the_permalink(); ?>”>gl</a> |
<a title=”Português” xml:lang=”pt” lang=”pt” href=”http://translate.google.com/translate?hl=pt&sl=eu&tl=pt&u=<?php the_permalink(); ?>”>pt</a> |
<a title=”English” xml:lang=”en” lang=”en” href=”http://translate.google.com/translate?hl=en&sl=eu&tl=en&u=<?php the_permalink(); ?>”>en</a> |
<a title=”中文” xml:lang=”zh-cn” lang=”zh-cn”href=”http://translate.google.com/translate?hl=zh-CN&sl=eu&tl=zh-CN&u=<?php the_permalink(); ?>”>zh</a> |
<a title=”+ lang” href=”http://translate.google.com/translate?sl=eu&u=<?php the_permalink(); ?>”>+</a>
Mezu honen hasieran ikusi dezakezue benetako emaitza eta baita probatu ere. Argi utzi nahi izan dut Lang, hizkuntza adierazteko hitz nahiko globala eta αuto-rekin automatikoa adierazteko, proba bat dela. Proba bat, baina behin baino gehiagotan aipatu izan dugun Rosetta harri berriaren lehen aztarna erabilgarriak.
Bilbon Nonick 2010 izan da. Bi egun nahiko intentso. Ekitaldia ez da tamaina aldetik niri gehien gustatzen zaidan horietakoa, baina momentu batzuetan oso interesgarria izan da. Kafe, bazkari eta afar(r)i orduak batez ere. Hau da niri gehien eta gutxien gustatu zaidana.
Gutxien gustatu zaidana
Gehien gustatu zaidana
Ideia asko sortu, elkartrukatu eta mutatu ditugu bertan. Nire burutik aterako direla noizbait, ikusi beharko nola eta noiz, baina makina martxan jarri da.
Ubuntu sistema eragilearen GNU/Linux banaketak bertsio berria atera du. Bertsio garrantzitsua izango da, LTS Long Term Support motakoa baita. Interesgarriena, baina, sare sozialekiko, komunikazio tresnekiko eta dokumentuak on line kudeatzeko Ubuntu One sistemarekiko bateragarritasuna dira.
Tresna horiek guztiek argi uzten digute sistema eragileak eta dakartzan aplikazioak jada ez direla gure ordenagailuaren funtzio minimoak funtzionarazten dituzten tresnak bakarrik. Gure kanpoko munduarekin harremanak kudeatzeko tresna izatera ere pasatzen ari dira. Gure ordenagailuan exekutatzen ditugun programez gain, sareen bidez erabiltzen ditugun beste askok ere garrantzi bera dutela, alegia.
Aspaldi erabiltzen ditugu gure ordenagailuan ez dauden programak. Posta irakurtzeko, gutako askok posta elektronikoa irakurtzeko webgune bat erabiltzen dugu. Outlook bezalako programak erabili gabe irakurtzen dugu posta elektroniko hori. Baina orain tresna horiek guztiak gure sistema eragilearekin bat egiten ari dira.
Norbaitek Twitterrera mezu bat bidaltzen digunean, gure Facebookeko kontaktu batek idazten digunean, posta mezu bat iristen zaigunean edota dokumentu bat gurekin partekatzen dutenean abisu bat jasoko dugu gure sisteman bertan. Truke hau ez da zentzu bakarrekoa izango, gainera. Gure sistemak berak zenbait kasutan kokapena edo beste informazio batzuk bidaliko dizkio sarean erabiltzen ditugun tresna horiei, beraien lana egiteko. Esan daiteke nolabait sistema eragilea, gure sistema fisikoa kudeatzeaz gain, sarean erabiltzen ditugun aplikazioak kudeatzeko tresna bihurtu nahi dutela. Honek alde onak ditu -gure sistema eragiletik dena kontrola dezakegu-, baina alde txarrak ere baditu. Truke honetan, gure dokumentuen eta zenbait programen kontrola galduko dugu. Beti esaten dugu, baina bakoitzak neurtu beharko du zer den truke honetan irabazi eta galdu nahi dena.
Sistema eragileak gure inguruko tresna teknologiko gehienetan daude. Gailu horietako bat, noski, sakelako telefonoak dira. Telefonoak egunean zehar aldean izaten ditugu, eta bertan dagoen informazio asko pribatua da, kokapena kasu. Quid pro quo hori ere berraztertzen hasi beharko gara.
Berriako Irlen Sarea atalean argitaratutako artikulua
Maite maitea eta Massimo mafiosiloa
Atzo Kalakako saioan Atez ateko zabor bilketari buruz izan zen. Batzuen jarrera oso harrigarria suertatzen ari zait gai honetan. Herritarrek bere borondatez birziklatze sistema hobeago bat arazo gehigirik gabe aplikatzen hasi dira Usurbil, Hernani eta orain Oiartzunen. Oso pozgarria da, herritarren inplikazioa handia da, kontrako zenbait jarrera ere, baina horiek demokratikoki Usurbilen kasuan eta informazioarekin Hernaniren kasuan oso ondo betetzen ari dira.
Hala ere, Hamaikabat-en jarrera da gustatzen ez zaidana. Alderdi honek txoke indar moduan jokatzen du Errauskailua sortzeko interesak, ustezko birziklatze batean ezkutaturik. Atez atekoak beraiek proposatutako guztia eta gehiago egiten du, baina nahiago dute horren kontra jarri beraien interesak defendatzeko. EAJren jarrera ere tamalgarria da eta zentzu berean doa.
Baina, Aralar? Atzo, orain arte ia inoiz hitz egin ez zuen Oiartzungo Aralar mintzatu zen. Gasifikazioaren alde eta atez atekoaren guztiz kontra azaldu ez den arren, bidean aurkitutako arazoak baliatu nahi izaten ari da politikoki. Benetan, herritarren inplikazioa lortu duen eta inoiz baino birziklatze onena egitea lortu duten proiektuaren kontra jarriko dira azkenean? Alderdian bertan ere eztabaida piztu dute hitz hauek.
Ez dut ezer ulertzen, herri askok horrelako herritarrak izateagatik ordaindu ere egingo luke. Andoainen ere Atez ate askoz hobe!
Txipik komiki oso interesgarri bat gomendatu dit.
Facebookek F8 bilkura egin berri du San Frantziskon. Bertan Facebooken aldaketa eta berrikuntza berriak proposatu ditu. Era berean, munduan askok erabiltzen duten Interneteko sare sozial honen inguruko oihartzuna lortu du. Ez naiz inoiz beldurra sartzearen aldekoa, baina Facebookek daraman bidea ez da batere garbia.
Facebookek gure perfilak osatzeko informazio gehiagoren bila dabil. Orain Open Graph eta Facebook Connect-en hobekuntzarekin hau Interneteko sare sozialetik kanpo ere lortu ahal izango du. Teknologia hauek integratzen dituzten webguneetara gure Facebook kontuan izena emanda sartzen bagara, hauek gure perfiletako informazioa eskuratu ahal izango dute. Gainera, Facebookek berak ere gure historikoaren informazioa erabil dezake publizitate zuzendua bidaltzeko. Noski, aukera hauek segur aski murriztu daitezke, baina jende gehienak ez du egingo.
Hala ere, niretzat okerrena ez da hori, baizik eta jende askorentzat Internet eta Facebook sinonimoak direla pentsatzea. Facebooken egin dutena estandar libre eta irekiekin egin zitekeen. Baita kontrol zentralik gabe ere. Hau da, beraiek kontroletik igaro gabe. Ez dute horrela nahi izan, eta gero eta gehiago askorentzat Internet mugatuta dagoen esparru bat bihurtzen ari da.
Horren trabak pribatutasunaren arlokoak asko badira ere, psikologikoak ere garrantzitsuak dira. Facebookek eskaintzen diguna edo bertan egin daitekeena jende askok muga gisa ikus dezake. Esperimentatzeko, sortzeko, tresna eta ekimen propioak egiteko aukerak ez ditu ezagutuko ere egingo. Horiek garatzeko esparru naturaltzat izango dute Facebook, eta, beraz, horren barnean bakarrik geldituko dira.
Internet bera da sare sozial handiena. Hipertestua asmatu zenetik, pertsona bat eta beste bat aske lotzeko aukera sortu zen. Hori iraultza handia izan zen. Horretaz jabetu zirenek izan dute azken urteetan arrakasta, Googlek kasu. Honek hasieran behintzat argi zuen Interneteko oinarri etikoekin bat etorri behar zuela. Nahiz eta hau ere asko aldatu den, hor dago Don’t be evil (ez izan maltzurra) esaldia. Facebookek ez du horrelakorik ere. Zure perfila nahi dute, zure gogoko gauzak, zure harreman sarea, eta gero eta errazago izango dute. F5 teklari eman beharko diogu, Internet urteetan izandako etikara bueltatzeko.
Berriako Irlen Sarea atalean argitaratutako artikulua