Sare sozialen garrantzia gizarte eraldaketan

Donostiako udalak urtero ikastaro eskaintza zabala egiten du. Aurten egile ikastaroak atalaren barnean ikastaro bat emango dut. Ikastaroa euskaraz izango da eta sare sozialek (ez Internetekoak bakarrik) gizarte eraldaketan duten garrantzia izango da ikastaroaren gaia. Laburpen txiki bat:

Blogek eta Interneteko sare sozialek espero gabeko antolaketa formak eta sorkuntza motak ekarri dizkigute. Informazioaren eta komunikazioaren alorrean teknologia baino gehiago dira, jendartean eragina duten sare sozialak egituratzeko eta eztabaida bateratuak sortzeko duten gaitasunagatik. Horiek ulertzea da ikastaro honen helburua. Horretarako tresnak ere ezagutuko ditugu, Twitter besteak beste.

Beste ikastaro interesgarri batzuk ere badaude Haritzek eman behar duena adibidez: “Transmedia narratiba: istorioak kontatu aro digitalean, Haritz Rodriguez“.Hala ere gutxiago dira euskaraz ematen diren ikastaroak, ahal baduzue zabaldu eta interesa duenak izena eman dezala.