Gorka Julio Hurtado da nire izena, andoaindarra eta informatika ingeniari teknikoa, nire ikasketak izateaz gain nire gustoko gaia ere bada. Profesionalki orain Elurnet enpresan egiten dut lan, garatzaile eta formatzaile lanetan. Web garapena, tresna sozialak, sare sozialak, mugikortasuna, e-irakaskuntzak izan dira lan lerro nagusienak.Teknologia eta batez ere internet dut gustoko eta bertan gertatzen diren gertakari eta joera guztiak. Hauetako bi adibide Blogari blog plataforma eta ZutaGu sare soziala dira. Formatzaile moduan EHU, UEUk eta Asmoz fundazioaren software librearen gaineko ikastaroko irakasle izan naiz, baita Enpresa Digitalean antolatutako beste hainbat ikastaroetan ere.
Hainbat proiektu sortu eta beste batzuetan parte hartzen dut. Sortutako batzuk Bildu, Txioka, Bloginfluence, microblogging nanoformats, gauzeinternet.com, itzalagunea.com. Beste maila batean Zabaldu edo EuskalTuben parte hartzen dut. Orain hauetako asko Arraytxiki web laborategiaren barnean sartzen dira.
Multimedia gaiak ere asko interesatzen zaizkit. Indymedia Euskal Herriaren sorkuntzan egon nintzen eta ondoren Ttan-Ttakun irrati librean programa bat egin ostean i-rratsaio edo podcast bat egiten hasi nintzen. ere parte hartu izan dut. Horretaz gain, irratian Radio Euskadiko blogger tertulian kolaboratu izan dut eta orain Info7ko Anfora programan eta Euskadi Irratiko Amarauna barneko blog tertulian. Prentsan Gaztezulon bost urteetan zehar kolaboratzaile bezala aritu naiz eta gaur egun Berria egunkarian Irlen Sarea zutabea idazten dut. Bizkaiko Ikastolen Elkarteko Kontaizu aldizkari elektronikoan ere idazten dut.
Interneten leku askotan parte hartzen dut, hauek dira nirekin kontaktatzeko era errazenak ZutaGu, Twitter, Facebook, Slideshare, Bildu.