Orduan zergatik sortu? Jakin badakite, bitartekaritza hori lortuz gero askoren izenean hitz egin ahal izango dutela. Hedabideek adibidez zeni deituko diote, esfortzu handirik egin gabe Interneten dabiltzan iritzi emaileak bilatzeko? Laster hemen ere, “Euskadiko blogariek” sustatutako blogarientzako ekimen erraldoiak eta manifestuak ikusten has gaitezkeela iruditzen zait.

EBE Euskadi ekimenean Blogeu ekimenari bere proposamena aurkezteko aukera eman diote, baita sarean zehar zabaldu ere. Beste blogen inguruko ekimen zahar edo berriri inoiz eman ez dioten laguntza. Eibar.org, Blogariak.net, Blogak.com, Blogsoviet, Txintxarrisfera… asko dira mereziko luketen komunitate eta norbanakoak, baina inoiz ez dute horrelako arretarik jaso telebista publiko batek antolatutako ekimen erraldoi horietako batean, kuotatik haratago.

Gaur bertan, telebista piztu eta modari buruzko blogariak agertu dira ETBko albistegian.  Blogeuko partaide zerrendara joan eta konparaketa bat egin ostean hirutik bi zerrenda (zerrenda eguneratua ez dagoenez beharbada hirurak) horretan zeudela ikusi dut. Ez dut ezer horien aurka noski, baina harrigarria egiten zait ematen zaien errepresentatibitatea.

Ez nuen arrazoia izan nahi, baina blogosfera vaskoa erreferente bihurtu nahiean jarraitzen dute. Blogosferaren aniztasuna eta blogosfera euskaldunaren dimentsio paraleloa inoiz kontutan hartu gabe edo hizkuntza/kultura euskaldunari buruzko kuota izatera mugatuz. Manifestu bat ikustea bakarrik falta zaigu; hauteskunde inguruan? Zenek daki.

Eguneraketa: Internet&Euskadi elkarteak Blogeuren beste ekitaldi bat sustatu eta ordaindu duela komentatu dit lagun batek. Manifestuaren zai jarraitzen dugu…

EraldaLAB webgunean saioak eman zuenaren bideoak eta argazkiak daude. Sustatuk kronika oso bat egin du eta Twitterren ere oraindik arrasto ugari ikusten dira bertan. Blog batzuetan ere agertu da informazioa David de Ugarteren hitzaldia Eraldalab jardunaldietan, Vídeo de la conferencia de David de Ugarte en Eraldalab, Eraldalab argazkiak, En el Eraldalab (Andoain). Egun aparta, giro hobea eta lehen pauso bikaina.

Ekimenak EraldaLAB forma hartuko du. ESLak – Eraldaketa Sozialerako Laborategiak gizarte eraldaketarako teknologiaren potentzialak aztertu, eta jendartearen eraldaketarako aplikazio praktikoak bilatu eta esperimentatzeko guneak dira. Kasu honetan gaia: Teknologia-Euskara-Auzolana.
Jadanik martxan dauden komunitate eta ekimenak, eztabaida eta proposamen berriak, tailerrak, bazkaria eta hitzaldiak izango dira bertan, baina garrantzitsuena:

Ez duzu ezer berezirik jakin behar, jakin nahi izatearekin nahikoa da, etorri!

Bukatzeko David de Ugarte ekintzaile ezagunak hitzaldi bat emango du “Sareak eta P2P iraultza”. David de Ugarte urteak dira jada sarean eta hauen inguruan lanean dabilela. Beti izan da pertsona interesgarria sare dinamikak ulertzeko. Sare teoria, soziologia, ekonomia eta beste alorrak nahastuz eta interpretatuz beste ikuspuntu bat emateko gai den pertsona da David. Oraingoan proposamen berri batekin dator gainera, sareei buruzko bere ezagutzez gain, P2P iraultzari buruz hitz egingo du. XXI. mendean etorri daitezkeen eraldaketa garrantzitsuenetako baten lehen zertzeladak elkarrekin marraztera gonbidatuko gaitu.

Bilkura fisikoak badira ere, bere isla birtuala dute. Dena ez bada ere, proiektuaren zati bat Internet bidez jarraitu ahal izango da, eta talde bakoitzak egindako lana dokumentatzeko ardura hartuko du. Herri-lurrak (Commons) eta sare banatuak (P2P) zabaltzea da gure helburu nagusia; horregatik sortutako edukia, materialak eta sormenak ahal den heinean domeinu publikoan jarriko dira, eta bertan biltzen diren pertsonak beraien artean kontaktuan jartzeko bideak ere jarriko dira, sortzen diren harremanak mantendu ahal izateko.

Andoain tESL

Noiz: Maiatzaren 12an egun osoan zehar
Non: Aita Manuel Larramendi ikastola, Andoain [OpenStreetMap] [Google Maps]
Gaia: Teknologia-Auzolana-Euskara gai horien inguruan dauden ekintza, ekimen eta komunitateak ezagutu eta eztabaidatzeko laborategia izango da.
Hizkuntza: Euskara ulermen maila. Tailerren batean beste hizkuntza bat erabiltzeko aukera egon liteke, baina ekitaldia bere osotasunean euskaraz egingo da.
Egitaraua:

• [9:30-10:00] Harrera
• [10:00-12:00] Gaiarekin lotutako hitzaldi gonbidatuak
• [12:00-13:00] Hitzaldi labur irekiak
• [13:30-15:00] Bazkaria (musutruk*)
• [15:30-17:00] Gaiarekin lotutako tailer gonbidatuak
• [17:00-18:00] Tailer labur irekiak
• [18:00-18:30] Bateratze eta saretze ekitaldia

Laguntzaileak: Olatu talka eta KMK12 ekimenekin elkarlanean.
Izena emateko:

• Erregistratu
• Saioa hasi (datuak eposta bidez iritsiko zaizkizu)
• Izena eman 

Alternatibatako bat…

The Take from raph on Vimeo.

M29: Strike Day mani&festa from Transistoria on Vimeo.

Transistoriako lagunak egindako bideo ederra. Gustatzen bazaizue, zabaldu.

• http://greba.euskalherrian.info/ Bertan egunean zehar jasotako bideo, argazki eta albisteak plazaratuko ditugu.
• @grebaorokorra Twitterreko kontua zabalpenerako

Ekimena parte-hartzailea da, eta horregatik webgunearen eskuratu daitekeen informazioarekin, interneten dabilen greba orokorraren aldeko jende guztia edukiak sortu eta elkarbanatzera gonbidatu nahi ditugu. Horretarako greba egunaren bitartean #grebaorokorra traolarekin edukiak etiketatu eta elkarbanatu behar dira, eta greba egunean bertan #m29greba traola erabiliz. Edukiak igotzeko zer egin eta nola etiketatu azalduz bideo hau prestatu dugu:

Herritarren indarra erakusteko eta greba orokorraren benetako eragina ezagutzeko beharrezkoa da herritarrek antolatu eta sortutako gerrilla informatiboa, horregatik  zuen partehartzea, eta bereziki ekimenaren zabalpena oso garrantzitsuak dira!

Martxoaren 29an guztiok grebara! #grebaorokorra #m29greba

GO pikete informatiboa