Andoainen greba giroa hedatzen hasi da. Kalean kartelak ikusten dira, tabernetan sindikatuek utzitako informazioa, Savera-ko langileek kolorez bete dute herria duten gatazka ezagutzera emanez, CCOOren deialdia ere iritsi da… Bitartean sarean herritarrak greba.euskalherrian.info bidez antolatzen jarraitzen dute. Gaur deialdi irekia dago egun horretako jarraipena koordinatzeko eta tresna teknologikoei buruzko tailerrak egiteko. Deialdia bikoitza da, Bilbon eta Andoainen arratsaldeko 18:30etan. Andoaingo deialdia Itzalagunean izango da.
Latest Updates: andoain RSS
-
Greba deialdia Andoainen
teketen
-
Atez ateak eztabaida eta dinamika berriak pizten
teketen
Aurreko batean, Donostian gauez gazte interesgarri bat topatu nuen. Bere lagunei atez atekoa azaltzen zegoen, hasierako dudak eztabaidatu eta uste dut nahiko ondo azaltzea lortu zuela. Momentu horretan DVko gauetako argazki-paparazzia sartu eta momentu hori jaso zuen. Seguraski atez atekoaren alde DVan esan den gauza bakarrenetakoa. Baina gazte hau ez da horretan gelditu Facebook talde bat ere sortu du, Donostian atez atekoa sutatzeko.
Proiektua aurrera doa eta gero eta gehiago zabaltzen ari da. Hainbat herri atez atekoa jartzearen alde agertzen ari dira. Beste hainbat tokitan, herritarrek, agintariei atez atekoaren aldeko apustua egitea eskatzen hasi dira.
Zailtasun handiak ere badaude, aurretik sortutako interesak eta batez ere eta era berezian alderdi batzuen erasoek zailtasunak jarriko dizkiote proiektuari.
Hala ere, oihartzuna Euskal Herritik kanpo ere iristen ari da. Aste honetan, Ecoperidikoak Recogida puerta a puerta, ejemplo de compromiso y concienciación popular argitaratu du adibidez. -
Herritarrak atez ate
teketen
Atzo Kalakako saioan Atez ateko zabor bilketari buruz izan zen. Batzuen jarrera oso harrigarria suertatzen ari zait gai honetan. Herritarrek bere borondatez birziklatze sistema hobeago bat arazo gehigirik gabe aplikatzen hasi dira Usurbil, Hernani eta orain Oiartzunen. Oso pozgarria da, herritarren inplikazioa handia da, kontrako zenbait jarrera ere, baina horiek demokratikoki Usurbilen kasuan eta informazioarekin Hernaniren kasuan oso ondo betetzen ari dira.
Hala ere, Hamaikabat-en jarrera da gustatzen ez zaidana. Alderdi honek txoke indar moduan jokatzen du Errauskailua sortzeko interesak, ustezko birziklatze batean ezkutaturik. Atez atekoak beraiek proposatutako guztia eta gehiago egiten du, baina nahiago dute horren kontra jarri beraien interesak defendatzeko. EAJren jarrera ere tamalgarria da eta zentzu berean doa.
Baina, Aralar? Atzo, orain arte ia inoiz hitz egin ez zuen Oiartzungo Aralar mintzatu zen. Gasifikazioaren alde eta atez atekoaren guztiz kontra azaldu ez den arren, bidean aurkitutako arazoak baliatu nahi izaten ari da politikoki. Benetan, herritarren inplikazioa lortu duen eta inoiz baino birziklatze onena egitea lortu duten proiektuaren kontra jarriko dira azkenean? Alderdian bertan ere eztabaida piztu dute hitz hauek.
Ez dut ezer ulertzen, herri askok horrelako herritarrak izateagatik ordaindu ere egingo luke. Andoainen ere Atez ate askoz hobe!
-
Blogsoviet izugarria
teketen
Blogsovieta martxan jarri genuen larunbatean. Oso pozik atera nintzen bertatik, benetan zerbait garrantzitsua sortu zela uste dut. Gainera, antolatzeko era ere nahiko berezia eta kolektiboa sortu genuen. Niretzako ez da beste ekimen bat izan, sare banatuen mundua benetan ulertzen eta praktikan jartzen ari garela iruditu zitzaidan. Eskerrik asko, etorri zineten guztioi. Baita etorri ezin izan zutenei ere, aukera gehiago egongo dira ziur. Orain, sortu ziren blogak eta blogari berriak nola garatzen diren ikusten joan beharko dugu.
P.D: Batzuek galdetu zenidatenez, BacalHauen nengoela sentitu nuen eta uste dut (ziur nago) ez nengoela bakarrik.
-
Garzón, Errepublika eta Andoain
teketen
Aurreko astean, gerra zibiliean Andoainen fusilatutako 22 gudariei omenaldia egin zieten. Bertan gauza asko esan ziren, baina interesgarrienetakoa Oroituz kolektiboak irakurri zuen komunikatua. Honetan guztian Garzonek izandako papera, baita erakunde publikoen itxurakeria etab. aipatzen dituzte bertan. -
Andoainen atez ate
teketen
-
Andoain zurituta
teketen
Andoain zurituta esnatu da.
-
Usabelartza
teketen
Adarrara igo baino, azkenean, exploratzaile lanetan ibili nintzen. Adarra igotzeko mila bide daude eta aspaldi hauetako batzuetatik ibili gabe negoen. Bideak gogoratu eta irteera megalitiko-kultural-gastronomiko potoloago bat prestatzeko balio izan dit behintzat. 5-6 ordutan egiteko txango bat dut buruan orain. Andoaindik hasi, Adarra inguruko estazio megalitikoa ikusi eta Besabin bazkaldu. Informazioa prest daukat, orain data erabaki beharko. Apuntatu nahi duenak esan dezala. Bestela ere txango motzagoak egiteko beti dago aukera.
Azkenean beraz, Leitzaran barna ibili nintzen. Bertxin, Lapurtxulo, Otita eta Usobelartzako zutarrian buelta. -
KKKP Andoaingo gaztetxean
teketen
Hurrengo KKKPa Andoainen, Otsailak 27
Otsailak 27an Andoaingo gaztetxean elkartuko gara.
Oraingo honetan teoria alde batera utzi eta alde praktikoa landuko dugu gehienbat:
* OpenSimulation
* Arduinora sarrera
* Audioa sarean netjack2 erabiliz
12:00etan hasiko gara eta 14:00-15:00 artean bazkalduko dugu.
Animatu parte hartzera! Jatera etorri behar baduzu, abisatu zuretzat ere janaria egiteko -
#egunkaria #libre
teketen
Goizean begiak ireki ditut berriak entzundakoan tristura jendearen aurpegietan nabaritzen da…». Horrela hasten da Kauta Andoaingo musika taldearen Zaharrak berri abestia. Hain zuzen ere, Egunkaria-ren itxiera zela-eta egun horretako sentipenak zein ziren oso ondo islatzen dituen abestia. Andoaindarra izanik, neuk ere, beste askok bezala, gertutik bizi izan genituen egun haiek, baita Interneten ere.
Gogoratzen ditut egun horietako emozioak, baita Indymedia Euskal Herrian izan zen mugimendua ere. Gau horietan Egunero-ren bertsio digitalak lortu eta jendearen esku jartzen zituzten zenbait lagunek. Beste batzuek informazioa eta kontaktuak egiten zituzten bitartean. Garai horietan Internet ez zegoen hain hedatua eta barneratua. Orain, gertatutakoa beste era batera izango litzateke, baita Interneten ere. Beharbada, gaur dugun informazioa lortu eta hedatzeko aukerak egoera beste era batera bideratzea lortuko zuen, baina hori ezin jakin.
Orain, auziaren hasierarekin batera, Internet ere mugitzen hasi da. Jende askok jarri du jada, egunkariaren aldeko irudia bere blogetan. Beste askok, horretaz gain, horrekin loturiko informazioak automatikoki publikatzen dituen tresna bat ere ipini du bere webgune edo blogaren txokoren batean. Hainbat webgune eta blogek jarraipen zuzena egin dute: http://berria. info, http://www.javierortiz.net/voz/egunkaria, http://egunkaria.info… Twitter (http://twitter.com) sarearen bidez ehunka pertsonak elkartasun mezuak eta informazioak bidali dituzte #egunkaria eta #libre etiketak erabiliz.
Baina orain dugu aukera. Erantzutea baino, etorkizuna esperimentatzeko aukera. Horregatik, http://egunkarialibre.info webgunea ere sortu da. Beste webguneekin batera jarraipena egitea helburu izateaz gain, komunikazio esperimentu moduan ere. Hurrengo larunbatean, Bilbon egingo den manifestazioaren berri ematea du lehen helburua. Egun horretan jendeak bidalitako irudiak, bideoak, mezuak, lanak, ideiak bildu eta Interneten zehar zabaltzen saiatzeko, ekimen parte-hartzaile hau bideratu dute. Ordua jarrita dago: larunbat honetan, 12:00etan, Bilboko Kafe Antzokiko atarian. Abestian bezala, gureak diren gauzak zabalduz eta gure indarrak batuz, egun horretan ere «Egunkaria Libre!» esango dugu.
Berria.info webgunean | PDF bertsioa | Inprimatzeko bertsioa
Berriako Irlen Sarea atalean argitaratutako artikulua
Honekin loturik Info7 irratiko audio [mp3] [ogg] elkarrizketa.
[podcast]http://teketen.com/wp-content/uploads/2009/12/egunkaria_libre.mp3[/podcast]
-
Komuneko paperean gaur Durangon 11ean Andoainen
teketen
Komuneko paperean aurkezpena Durangon
-
Itzala gunea, Bartzelonako UrbanLabs jardunaldietan
teketen
Asteburu osoan zehar Bartzelonan Urbanlabs (http://urbanlabs.net) jardunaldiak gauzatzen ari dira. Bertan Andoaingo Itzala gunea (http://itzalagunea.com) eta Kale Bilgunea (KaBi) proiektuak aurkeztu eta eztabaidatuko dira, beste hainbat proiektuekin batera. Proiektu hauen nahia Andoaingo kale nagusiaren eta herriaren supertzearen ingurukoak dira. Lehenengoa Itzala Gunea, Itzala tabernaren inguruan sortutako dinamiken inguruan eta bigarrena kale nagusiko beste hainbat agenteen artean osatutako sarea. KaBi proiekturaren lehenengo ekintzatako bat, kalean dauden espazio hutsen baliatzea izan da. Horretarako kaleko espazio hutsen jabe batzuekin hitz egin eta leku horiek alokairuan dauden bitartean, herriko sortzaileek beren lanak erakusteko aukera izatea adostu dute.UrbanLabs jardunaldiak era parte-hartzailean proiektu teknosozialetan aurrera egiteko bilgune bat da. Disziplina ezberdinetako adituak bildu eta elkarrekin teknologien erabilera bereganatuz berrikuntza gizartetik eta gizarterantz sortzeko intentzioarekin biltzen dira egun hauetan. Proiektuak saio edo talde ezberdinetan antolatu dira: 2.0 hiritartasuna, kultura eta hiri interbentzioak, RurbanLab (UrbanLabsen parekoa baino herrien inguruan), enpresa irekia, 2.0 bolondresak, Gent grand (adineko pertsonentzat zuzendutako proiektua), IKT lurraldea… Jardunaldiaren amaiera larunbatean izango da eta orduan proiektuen artean irabazle bat aukeratu eta denon artean sortutakoaz eztabaidatuko da.
Informazio gehiago:
-
Auzolanaren kartografoak
teketen
Merkatu librearen filosofiak jabetza pribatua eta indibidualtasunaren paradigmatik harago ikusteko gaitasuna murrizten digu, baina zer gertatzen da publikoarekin eta kolektiboarekin? Askorentzat balio horiek desagertzear daude, baina sareari esker inoiz baino biziago daude.
Orain arte, merkatu filosofiaren arabera, diruagatik eta horren sorkuntza pribatu mantentzeagatik lan egiteko prest bakarrik zegoen jendea. Baina, Interneten dohainik eta sorkuntza hori denon eskura jartzen duen jendea dago. Proiektu askok sortzeko era hoberena dela ere frogatu dute; Wikipedia entziklopedia askea eta GNU/Linux sistema eragilea kasu. Komunitate horietan balioak zentzu berri bat hartzen du. Balioa ez da salneurria, baizik eta komunitatean egindako lan horri ematen zaion garrantzia, eta bertan sortzen diren erlazioek zentzu berria ematen diote hitzari.
Era kolektiboan sortzeko era berri horiek ziurtatu nahi izaten dute eremu publiko eta kolektibo horretan egiten dena bertan gelditzen dela. Horregatik, Wikipediako artikuluek adibidez bertan erabilitako edukia era berean banatzeko eskatzen duen lizentzia bat darabilte. Norbaitek eduki hori erabiliz gero besteok berrerabiltzeko aukera izango dugula ziurtatuz.
Horrekin lotuta zer pentsatu ematen du publikoak diren gauza askok benetan publiko ez izateko duten joerak. Horregatik, gero eta gehiago dira politika publikoak era honetako filosofiarekin lan egiteko eskatzen duten pertsona eta taldeak, adibidez Askatu Datuak (http://askatudatuak.pbworks.com/). Talde horrek erakunde publikoek diru publikoez osatutako datuak askatzea eskatzen du.
Baina, gaur egun ez dugu zertan itxaroten egon behar, baliabideak gure eskura daude. Adibide polit bat OpenStreetMaps proiektua da. OpenStreetMaps proiektuan, Google Maps-en antzeko mapak sortu nahi dira, baina horiekin konparatuz sortzen diren mapak erabat libreak dira. Hau da, edozertarako erabil daitezke.
Bilbon ostiralean eta Andoainen larunbatean egingo diren OpenStreetMaps jaietan (http://sustatu.com/1253025232), mapa aske horiek sortzeko bilkura irekiak izango dira. Jabetza kolektibo eta publiko horren ur tanta txiki berriak sortzen hasi garela dirudi.
Berria.info webgunean | PDF bertsioa | Inprimatzeko bertsioa
Berriako Irlen Sarea atalean argitaratutako artikulua
-
Rifa niri tokatu zitzaidan
teketen
Ostia oso moskeatuta nago, rifa niri tokatu eta Gaztesarearen aurkako operazioa. Gaztesareak zutik jarraitu behar du nire sariagatik bakarrik bada ere. Ziur nago gainera zozketa hau beste askori ere tokatu zaiola. Baditut behintzat 10 lagun berdina esan didatenak. Hori bai, ezin dut frogatu, zozketako papera garbigailuan sartu nuen eta… Hala ere, zozketa tokatu zitzaidala eskatzera joango naiz Abuztuak 7, Larunbata 18:00etan Donostiara. Ea Gaztesareako elementu hauek zerbait konpontzen diguten, ni eta nire 10 lagun hauek ere badoaz, bazatoz?* Ironia mode ON
-
Ni santas, ni cruces! Gora Santa Krutzak! 2009
teketen
Iritsi dira Andoaingo jairik hoberenak, 4 egun ondo pasa eta disfrutatzeko. Andoainen topatuko gara? Hemen egitaraua:
Osteguna apirilak 30
16:00 Zumea plazan haur pregoia.
16:30 Txokolatada Zumea plazan.
17:00 Judo erakustaldia Zumea plazan.
18:00 Txalaparta tailerra Zumea plazan.
18:00 Musika sorkuntza eta irrati tailerra.
18:00 Pintura tailerra.
18:00 Zumea plazan puzgarriak eta tailerrak.
19:00 Kalean zehar Andoaingo dultzaineroak.
20:00 Zumea plazan hasita txalaparta saioa.
20:00 Santakrutz ermitan salatxo abesbatza(orio).
22:30 Zumeatarra elkartearen danborrada.
23:00 Kaleberria atzekaldea kalean, jaien hasierako pregoia, Ramon Ansa-ren eskutik.
23:00 Kalean zehar Orkresta Nacional.
23:30 Bekoplazan Laiotz.Ostirala maiatzak 1, langileen eguna (Gogoratu mobilizazioak)
10:00 Diana Andoaingo dultzaineroekin.
10:30 XXXI. kros herrikoia.
11:30 Leizaur parkean haur krosa.
12:00 Leizaur parkean txirrindulari lasterketa.
12:00 Toka txapelketa Kale Nagusian.
12:30 Basteron hasita Soinuak taldearen kalejira.
16:30 Goiburun hasita goitibera lehiaketa.
17:00 Kale Nagusian Xelebre Karrera 2.edizioa.
17:30 Erreka jaitsiera.
18:30 Bekoplazan hasita Herri danborrada.
23:30 Berbena Bekoplazan, trakets.Larunbata maiatzak 2, Koadrilen eguna
09:30 Dultzaineroekin Diana.
11:30 IV. bizikleta festa.
11:30 Bekoplazan hasita koadrilen kalejira eta jokoak, incansables txarangak alaituta.
12:30 Urki dantza.
14:30 Bekoplazan koadrilen bazkaria.
16:00 Haurrentzako arrantza lehiaketa.
17:30 Koadrilen kalejira incansables txarangarekin.
17:30 Capoeira exibizioa Zumea plazan aldeia de bambas.
18:30 Kamioi Baby Band Zumea plazan.
18:30 Zirko ttipia.
20:00 Sardin jatea Zumea kalean.
22:30 Peña Santa Krutz elkartearen danborrada.
23:30 Bekoplazan Laket berbena.Igandea maiatzak 3, Santa Krutz eguna
10:30 Ikurriñaren jaitsiera, eskopeteroak lagunduta.
10:30 Dultzaineroekin Diana.
11:00 Meza santua Santa Krutz parrokian.
11:30 Ezpatadantza.
11:30 Andoaingo trikitilariak kalez kale.
11:30 Dultzaineroen topaketa kale eta tabernetan zehar.
12:00 Basteron hasita kantu kalejira.
12:00 Txakoli dastaketa ermitaren parean.
13:00 Kale Nagusian Andoaingo Bandaren kontzertua.
14:30 Kale Nagusian auzo bazkaria. bakoitzak berea.
18:00 Sagardo lehiaketa Zumea plazan, xxix.edizioa.
18:00 Zumea plazan taloegileak , “basataloak” taldearekin.
18:00 Trikitilariak Zumea plazan.
18:30 Xebastian Lizaso, Jon Maia, Aitor Mendiluze Zumea plazan.
22:30 Rock kontzertua: NCC eta Willis Drummonds. -
Andoainen korrika!
teketen
Puntual iritsi da gure herrira korrika. Sorabila eta Zumea auzotatik jendetsu zetorren jada Korrika. Bertan ikastolako jende andana eta beste hainbatek itxaroten zuten, aldapa igotzen hasi eta eskola publikotako jendea. Ikasle, biztanle, ezazun, ezezagun piloa, inoiz baino gehiago korritzen. Eguna noski txikiek hasi zuten, eskola publiko, pribatu zein ikastola guztietan korrikaren musika zen nagusi goizean goizetik. Pilak kargatzeko moduko giroa, bai horixe!
-
Gauzen Internet sugusak, oilaskoa andoaindar erara eta katxarroak
teketen
Gauzen Internet I. bilkura egin genuen Andoainen. Dena nahiko ondo joan zen eta oso ondo pasa genuen.
Hasieran bertaratu zirenei sarrera bat egin nien gauzeninternet.com webgunean jarritako loturak jarraituz. Etorri izan ez zutenek hor dituzue bilkuran hitz egin genituen gauza gehienak.
Gauzen Internet - Posatutako argazkia
Gauzen Internet - lapurtutako argazkia
Teknologia ezberdinak errepasatu genituen eta zenbait RFID txipen adibideak erakutsi nizkien. Hainbat proiektu nabarmendu nahi izan nituen horien artean gero etorri zien Mir:ror barne.
Horretaz gain Nabaztag:tag probatu eta Mir:rorrarekin probak egin genituen. Bigarren honen aukerak eztabaidatzen ere saiatu ginen. Tresnaz gain argi gelditu zen ikertzeko esparru zabal bat badagoela.
Ondoren bazkaria, Gazta eta urdaiazpiko patata tortila, Oilaskoa Andoain erara eta Tiramisu izozki-tarta. Hori bai, aurretik janak genituen Sugusak eta Conguitoak ere, bufff, beteka. Eztabaida eta parrak izan ziren nagusi.
Wikian nola parte hartu errepasatu genuen eta horrekin batera Gauzen Internet kolaborategiko manifestua irakurri eta sinatzeko gelditu zen. Oraindik sinatzeko falta zaie batzuei, baina etorri ez zirenak eta ados daudenek ere sinatu dezakete.
Bukatzeko Liburubizien Liburutegia inauguratu genuen. Gure liburutegia denei ireki genien eta bakoitzak nahi zuen liburu bat hartu zuen. Liburuari QRcode bat eta URL bat sortu genion. Liburu hori QRcode eta URL horrekin Liburubizi bihurtzen da. Hemendik aurrera liburu horren bizitza jarraitzeko aukera izango dugu. Liburu bakoitzak bere informazio arruntaz gain, zein tokitatik pasa den, zein iritzi izan dituen eta zein historia daude berari itsatsita jakin ahal izango dugu. Horretarako QRcode sortzaile batean sortu berri genuen URL helbidea barruan duen QRcode bat sortu eta pegatina paperean inprimatu ondoren, liburuetara pegatu genituen. Momentu horretatik aurrera liburu arrunt batzuk liburubizi bilakatu ziren, bere historia ezagutzen duten liburual, bere kokapena ezagutzen duten liburuak, bere bizitza digitala hasten duten liburuak dira, Spime batean bilakatu genituen.
Spime – Bere bizitza digitalari buruz informazio gehigarria eman dezaketen objetu fisikoak dira. Digitalki irakurri daitekeen identitate digital bat dute, denboran jarraigarriak dira eta batzuetan baita lekuan ere, informazioa eskuratzeko eta bilatzeko erraztasunak dituzte. Era berean, birziklagarriak izateko joera dute eta digitalki kudeatzeko aukera ere ematen ohi dute.
Eskerrik asko etorri zineten guztiei, hurrengo nodoa non izango den itxaroten ari gara. Zabaldu dadila oislaskoa Andoaingo erararen errezeta mundu osotik!
-
Dena prest Gauzen Internet bilkurarako
teketen
Gauzen Internetari buruzko lehenengo bilkura egingo dugu Andoainen. Dena prest dago jada eta webgune bat ere prestatu dugu horretarako. Webgunea wiki bat da, nahi duenak izen eman eta parte hartzeko aukera izango du bilkurara etorri edo ez. Webgunearen aurkezpena bilkuran egingo dugu. Gaur bilkuran izen emateko azken eguna da, oraindik erabaki ez baduzu….Etorri behar duzuenak zuen katxarroak, irudimena eta gogoa ekarri. Wifi badago!
-
Andoaindar langile bat hilik! Mobilizazioak
teketen
Andoaindarra zen, 45 urte zituen, honek ere neskato txiki bat eta emazte bat uzten ditu eta ez da bakarra 15 hil dira urte honetan jada. Gaur Andoaindarra, bihar … eta munduan…! Hauek guk gogoratu beharko ditugu beste inorrek ez baitu egingo.
Bihar, asteartea arratsaldeko 20:00etan Zumea plazatik LABek eta beste hainbat eragileek antolatuta “Aski da! Eredu ekonomikoa aldatzera goaz!” lemapean manifestaldia.
Informazio gehiago:
-
Krisi garaia, borroka garaia
teketen
Krisia gogor jotzen ari da nire herrian, baina jendea esnatzen hasi da. Orain dela aste batzuk eskualdeko manifestazio bat egin zen zenbait enpresetan egiten ari dituzten erregulazio espediente eta despidoen aurka. Cortusa eta Went-eko langileek mobilizazioak eta agerpen publikoak egin dituzte etab.
Orain Inquitex-en txanda iritsi da. Gaur, goizeko 12:00etan Inquitexeko langileek manifestaldia abiatu dute fabrikatik eta Andoaingo herria zeharkatu dute. Enpresak 172 familiei eragingo dien erregulazio espedienteen eta eragingo dituen despidoen aurka manifestatu dira. 300 pertsona baino gehiagok jarraitu dute deia. Despidoen eta kudeaketa txarraren aurkako oihuak entzun dira borrokarako deien artean.
Eta oraindik elkartasun internazionalistari tarte bat egiten zaio Andoaingo zenbait balkoietan.
