Teketen » bideoa

To shoot an elephant

teketen — Wed, 13 Jan 2010 20:22:11 +0000

Gazan gertatutakoa azaltzen duen dokumental ikaragarria. 18an emisio global bat egingo dute, ahal baduzu zure herriko areto edo txokoren batean bota dezakezu. Bestela ahal duzun moduan zabaldu mezua.

Kdenlive bideo ediziorako

teketen — Thu, 14 May 2009 14:19:36 +0000

Bideo edizioan esperimentatzen egon naiz eta software libreko hainbat tresna probatu ondoren Kdenlive-ek gauza interesgarriak eskaintzen dituela ikusi dut. Beste asko ere badaude baina Kdenlive erraza eta erabilgarria izaten hasi da. Oraindik bidea dauka egiteko software pribatiboaren aurrean baina bideo onetik doala iruditzen zait. Egin daitekeenaren adibide txiki eta azkar bat egin dut ikus dezazuen.

Ziberekintzaile izan zaitez!

teketen — Sun, 15 Feb 2009 10:45:22 +0000

Esku-era jardunalidetan eman nuen hitzaldiaren bideoa igo dute topaguneko lagunek. Egon ez zinetenak nire hitzaldia ikusi eta entzuteko aukera izango duzue orain. Ziberekintzailetasunari buruzko aurkezpena ere blog honetan duzue eta teoria praktikan jartzeko ez zaizkigu aukerak falta zoritxarrez.

Bideoak blog honetan eta interneten

teketen — Mon, 17 Sep 2007 08:49:00 +0000

Bideoa da banda zabalari esker garai hauetan gehien hedatu den fenomenoa. Aspaldi sortu ziren youtube etab. eta orain euskaltube daukagu guk ere. Niri azken boladan jumpcut interesatu dit bideak nahasteko eta besteek egindakoa berrerabiltzeko ematen duen aukeragatik.

Blog honetan KritikaTB atala nuen, nahiko estatikoa zena. Orain aldiz bideoak.info-ko bideoak jartzen hasiko naiz automatikoki. Beraien filosofia eta igotzen dituzten bideoak oso interesgarriak iruditzen zaizkit eta horregatik hemendik aurrera bideo horiek hemen ere ikusteko aukera izango duzue. Gainera oso interesgarria egiten zait horrela egitea ni ere egunero sartu eta zer aurkituko dudan ez dakidalako. Gaur adibidez oso bideo interesgarria aurkitu dut berdintasunari buruzkoa, gazteek euskara, gaztelera, rap, breakdance hizkuntzak eta kulturak nahastuz egiten dutena.

El Corte Inglesen aurka atentatzen

teketen — Fri, 20 Jul 2007 08:00:00 +0000

Zure esku nola erabili!

teketen — Tue, 10 Jul 2007 19:13:00 +0000

Tailerrak 2.0 collage proposamena jarraituz eta Jumpcut-en igotako oinarri bideo erabiliz nahi duzuen bideoa sortzeko ekimena abian jarri da. Hau nire proposamena.

Piratas del Caribe 3

teketen — Thu, 31 May 2007 08:20:00 +0000

Seguruenik zuetako askok piratas del Caribe ikusi du baina ez dakizuenontzat kredituak pasa eta 10 minutuetara bukatzen da pelikula. Niri pelikula gustatu zitzaidan ondo pasatzeko horietako bat da (normalean ez diot disneyri propaganda egiten baina ilusio faktoria bat izaten jarraitzen du, enpresa erraldoi bat izatez gain). Beno ba interneten bilatuta ikusi ez zenutenontzat (neronek ere ez nuen ikusi) hemen pelikula. Hori bai aurkitu dudanak ez du izenik neska eta mutil gazte batzuk mugikor batekin beraien paranoiak eta oihuak botatzen dituzte itxaroten ari diren bitartean. Proba gogor hau igarotzen baduzue sari moduan pelikularen azken eszena.

Ikusi ez duzuenontzat trailerra uzten dizuet (gazteleraz)

Telecincon ETAren bideo propagandistiko "arraroa"

teketen — Mon, 28 May 2007 19:23:00 +0000

Ez dakit zer den (beste marketing biral kanpaina bat) Telecincok anplifikatua? (badaezpada ez diet loturarik oparituko). Gaurko berrien atalean islamisten atxiloketa baten ostean ETAren omen den bideo propagandistiko bat erakusten dute, musika, gazte batzuk entrenamenduan omen den lekuan, bonbak lapak omen direnak prestatzen eta bonba baten eztanda probatzen (hau bai arraroa). Ez diot ETAren bideo tipiko baten antza hartu, batez ere ondoren ordenagailu baten aurrean gela batean oso gertutik ikusi den atal bat dagoelarik. Eta arraroena agertzen den esaldietako bat “Euskal Herria habita en nosotros y nosotras”.

Arraroa iruditu zait baina beharbada gauzak egiteko era berri bat da (hala ere, ETAren agiriak agertu ohi diren egunkari eta komunikabideetan ez da ezer ageri momentuz). Mass Medietara hedatu behar ez zen bideo bat?

Eguneraketa: bideo osoa entzun dut (ez T5 bota dutena bakarrik) eta orain antza gehiago hartzen hasi naiz.

Eguneraketa: benetakoa da baina Vocentok bahitu duen bideo bat izan daiteke, aurretik esan bezala mass medietara hedatu behar ez zena.

Eguneraketa: bideo osoa youtuben ere agertu da, normala da garen informazioaren garaian. Gaur egun bideo bat ez filtratzea ia ezinezkoa dela badakigu.