Aurreko eguneko identitatearen inguruko aldaketa garrantzitsuaz gain, gaur beste hainbat aldaketa egin ditut.

Alboko barran nire sarearen azken informazioak agertzen ziren Feevy baten bidez, hori eguneratu eta bertatik nik sortutakoak kendu ditut. Kendutako horiek orain blogaren mezu bezala ere agertuko dira. Beraz Bildu eta Euskaltuben igotzen ditudan gauzak automatikoki nire blogean mezu bezala agertuko dira.

Twitterren idazten dudan guztia laburpen moduan agertzen da astero. Orain horren antzeko zerbait egin nahi izan dut Bildu eta Euskaltuberekin. Garrantzia handia ematen ari naiz nire sorkuntza eta nire sarea, azken finean nire sarea eta nire identitatea blogaren bidez azaltzeari eta horregatik aldaketa hauek. Ez diot kanpo zerbitzuak erabiltzeari uko egingo baina, nire informazioa metatzen saiatu eta ahal den kasuetan zerbitzu txiki eta fidagarrietara mugatu nahiko nuke. Hori egin ezin dudanean (edo egin nahi ez dudanean) era batean edo bestean nire blogean horren isla izatea nahi dut.

Krisiari buruzko artikulu interesgarrien bilduma bat egiten ari naiz eta horretarako krisiari buruzko lotura sorta bat egiten nabil bildu.net erabiliz. Laguntzeko iruzkin bat utzi hemen bertan edota bildu.net-en krisia etiketarekin interesgarria den artikulu hori gorde.

Horretaz gain, Michel Collonen artikulu interesgarri bat itzuli nahi dut. Oso argia da 10 galdera erantzun ditu. Egunero bat itzuli eta plazaratzea da nire ideia.

Jakingo duzuen bezala blog hau idazteaz gain beste hainbat publikaziotan ere parte hartzen dut. Askotan jendearen interesa duten gaiak topatzea zaila izaten da. Gauzak hobeto eta parte hartzaileago egin nahian nabil azken aldian. Hedabide tradizionalei parte hartze kapa bat jarri nahi diet behintzat nire sailei dagokionez. Horretarako kolaboratzen dudan publikazioak aurkeztu eta hauen gaietan laguntzeko aukera eman nahi dizuet.

• Gaztezulo: Sarezulo atalean internetekin erlazionaturiko gaiak jorratzen dira. Publiko gazteari zuzendutako aldizkaria. Gai nagusi bat eta 3 aparteko:
  • Katxondoena: zerbait dibertigarria
  • Informazio bila: informazio interesgarria topatu daitekeen webguneren bat
  • Harritu gaitu: internetekin zerikusia duten zerbait harrigarria.
• Kontaizu: Bizkaiko Ikastolen Elkartearen aldizkari digitala. Internetekin erlazionaturiko gaiak era dibulgatiboago batean kontatuak. Publiko gazteari (14-18) eta hezkuntza komunitateari zuzendua gehien bat.
• Matraka: Berria egunkariko gazte gehigarria. Gaztezuloren antzeko publikoa. Gai nagusi bat eta blogosferako mezu eta eztabaida interesgarrienak biltzen saiatzen gara.

Behin publikazioak ezagutua nola parte hartu dezakezuen kontatuko dizuet.

• Nire posta beti dago erabilgarri
• Twitterren mezu batean #interesgarria idatzita
• Bildun interesgarria etiketa erabiliz testu interesgarriak komentatzeko

Laguntzeko prest?