Latest Updates: ekonomia RSS
-
Econopocalypse
teketen
-
Greba Orokorra GOerreportarien lan irekia hasi da
teketen
Webgunea sortu da eta orain arte posta zerrenda bidezko komunikazioa egon da. Ateak irekita daude lehen zita txat ireki bat izango da. Hala ere, egunean bertan gauzak egiteko parte-hartze bide guztiak irekita daude. Deialdia zabaltzen hasi beharko dugu beraz.
-
Ekainak 29 Greba orokorra
teketen
Tabernak isteko abesti hau proposatzen diet euskal tabernari guztiei ekainak 29 bitartean
Gehiengo sindikalak lan erreformaren aurkako greba orokorra deitu du ekainaren 29rako
La mayoría sindical vasca convoca una huelga general el 29 de junio contra la reforma laborali -
Manuel Castells eta krisia
teketen
-
Merkatu lokala
teketen
Sare gizarte honetan oso garrantzitsua da ondo kokatua egotea. Mundu fisikoan gertatzen den bezala, digitalean ere guri buruzko informazioa izatea eta ezagutzea garrantzitsua izaten da. Bien arteko uztarketa ere gero eta garrantzitsuagoa da. Hau da, denda bati dagokionez, Interneten erraz aurkitzeko aukera oso interesgarria izan daiteke, jendea erakarri eta saltzeko.
Informazio horiek eskuratzeko erronka gero eta handiagoa da sarean. Sortu berri diren zenbait tresna eta sare sozial informazio hori ematen saiatzen dira. Horrelakoak dira adibidez Gowalla eta Foursquare aplikazioak. Interneteko sare sozial horiek batez ere lekuen kokapena eta horiei buruzko informazioa darabilte. Sakelakoen bidez erabiltzen dira, eta aldi oro non zauden adierazteko balio dute. Adibidez, Andoaingo jatetxe batean sartu zarela eta bazkaria gustatu zaizula esan dezakezu.
Tresna horiek eta beste asko interesgarriak izan daitezke baldin eta ezagutzen ez dugun toki batera bazoaz. Bertakoek edota kanpotik etorritakoek lekuei buruz dituzten iritziak ezagutzeko adibidez. Baina interesgarriak badira ere, oso gutxitan izan dezakete bertan bizi direnen ikuspegia. Informazioa edukitzea ez da nahikoa, testuinguru horretan bizi dutenek hau eraldatu eta batez ere bizi dezaketelako.
Hori horrela bada, zergatik ez sortu komunitate hiperlokalak. Negozio horien artean loturak sustatu eta ekonomikoki ere lagungarria izan daitekeen testuinguru digital bat sortu. Bakoitzak bere neurrira, bere komunitatea, bere merkatu txikia ezagututa komunitate horiek sortzeko ahalegina egin. Polita litzateke herriko harategira joan eta zinemarako txartel bat erosteko gonbita egitea, zuzenean herriko pizzeriako eskaria sarean egiteko aukera, nire gogoko jatetxearen menua etxetik aukeratu eta bertaratzean mahai gainean izatea edota menuan eskaini dizkidaten produktuak zein baserritar edo merkatuan eros ditzakedan jakitea.
Fikzio horrek balio du adierazteko digitalak, komunitate lokalen ekonomiari laguntzeko ere balio dezakeela. Interneteko handiek merkatu lokala ere begiz jo dute eta horren bila doaz. Google Places-ek argi du. Mundu digitalean tresna horiek garatzen ez baditugu, besteek egingo dituzte.
Berriako Irlen Sarea atalean argitaratutako artikulua
-
Demokrazia ekonomikoa josi ta josi
teketen
Gero eta handiagoa da jendartean aberastasunaren banaketaren desoreka. Krisiaren ondorioak ere ez ditugu jendartean berdin pairatzen. Gainera sistemak ekintzailetasun mota bat bultzatzen du gehien, enpresario lider izatearen ekintzailetasuna. Pertsona bakar bat, ideia eder batekin, bere enpresaren liderra eta helburu horiek betetzeko besteak esplotatzeko aukera duena. Pelotazoaren kultura indartzen ari dira. Taldekako kintzailetasuna, ekintzailetasun kooperatiboa, protagonisten artean sortutako proiektuak ez dira bultzatzen, ezta promozionatzen ere. Promozionatzen duten enpresa mota horretan, langileek ez dute parte hartze zuzenik eta gainera konpromezua eskatzen zaie, askotan soldata mixerableak ordainduz.
Horregatik guztiagatik, gero eta beharrezkoagoak dira pertsonak, kapitalaren aurretik jarriko dituzten ereduak bilatzea. Proiektu bat partekatzen duten pertsonen artean sortutako ereduak. Bere funtzionamenduan demokrazia ekonomikoa kontutan hartuko duten ereduak. Sistema erotzen hasi dela dirudi, baina ezin dugu itxaron. Mundu berri baten aztarnak sortzen hasi behar gara, erortzen ez bada ere balioko digutenak. Azken finean, erortzen ez bada ere sortutako komunitate horietan emango den aberastasun banaketa demokratikoagoa izango delako. Zailtasunak asko dira, baina zergatik ez behintzat horretan pentsatzen jarri?
Aukera horien barnean, kooperatibismoa da nabarmentzen den eredua. Hasierako kooperatibismoak zituen baloreekin eta XXI. mendean ditugunekin nahasketa bat eginez eredu kooperatibista berria sortzen hasi behar dugu. Hori izan da hain zuzen ere niri ekitaldi honetan murgiltzera eraman nauena. Zergatik ez, kezka berdina duten kanpoko eta gertuko pertsonekin sarea josten hasi. Momentuz eztabaida abiatu dugu, eta sarea josi ta josi hasi gara sortzen.
Lehenengo ekitaldia
I. Ekitaldia Madrilen egin zen. Jardunaldi horietan Las Indias-eko lagunak oraindik ez ziren, izatera iritsi diren talde kooperatiboa. Egun horretan demokrazia ekonomikoa eta eredu posibleei buruz eztabaidatu zen.
Oraingoan Arrasaten izandako II. ekitaldi honetan, batez ere ekintzailetasuna, komunitateak, kooperatibismoa eta eredu berriei buruz hitz egin dugu. Gai zerrenda oso interesgarria zen eta bertan egon zirenak zer esanik ez. Ekitaldiaren formatua berezia izan zen, Manuelek esan zuen bezala “Es un encuentro de traje, yo traje esto, yo aquello”. Jai herrikoien antzera bakoitzak ahal duena egin du ekitaldia ondo atera ahal izateko. Ekitaldiaren izaera oso ondo jasotzen dute mezu horretan. Ekitaldia beti irekia da, banatua, independentea eta anitza.
Alde horretatik eskerrak eman Patxiri lekua lortzeko egindako gestioengatik, baita Arrasateko Udalari, inongo baldintza eta patroziniorik gabe gugan jarritako konfidantzagatik. Batzuek baldintzak eta logoa jartzera behartzen zaituzten bitartean, hauek ez digute inongo mugarik jarri. Eskerrak ere Beñat Irasuegiri egindako lan izugarriagatik.
Interesgarriena
Gauza interesgarri asko egon ziren, baina batzuk nabarmendu nahiko nituzke:
- Ekitaldiaren izaera: Ekitaldiak jendea parte hartzera bultzatu zuen eta ekarpen ugari egon ziren programatik kanpo ere. Horrelako ekitaldietan gehienetan hoztasuna nabaria da, baina honetan dena oso gertukoa izan zen.
- Proiektuak: Aurkeztu ziren proiektuak oso interesgarriak izan ziren. Beste leku batzuetan ez dut gogoratzen hainbeste gauza interesgarri entzun izana.
- Elkarrizketak: Elkarrizketak oso mamitsuak izan ziren, ekitaldi barnean eta kanpoan ere. Eztabaida ugari eta proposamenak mila. Beste ekitaldi batzuetan Twitter edo sarean murgilduta irudiak eta mezuak jartzen egoten gara, oraingoan ez nuen gogorik ere izan, bertan gertatzen ari zena arnastu nahi nuen. Sentsazioa hori zen, bertan esaten ari zena oso gutxitan bizituko nuela sentitu nuen.
- Euskara: Nahiz eta ekitaldia gazteleraz izan, euskarak bere txokoa izan zuen. Ekitaldian zehar argibide asko bi hizkuntzatan eman ziren, hauek tartekatuz. Bertaratu ziren euskaldunen arteko jarduna erabat euskaraz izan zen eta benetan izugarri interesgarria izan zen txoko bat ere izan genuen.
- Pertsonak: Baina batez ere pertsonak izan ziren garrantzitsuena. Pertsonen berotasuna, jakintza eta ezagutza maila izugarria. Zerbait antolatzen zaudenean batzuetan ez duzu guztiz disfrutatzen, baina oraingoan bertaratu zen jendea beste era batekoa izan zen. Ekitaldian parte hartu zuten pertsonen giza kalitatea izugarria izan zen. Jende oso berezia bildu zen Naroa Elortza, Beñat Irasuegi, Andres Bedia, Julen Iturbe, Aitor Urbieta, Patxangas, Ander Goñi, Mikel Iridoi, David Gonzalez…, indianoak eta beste lagun guztiak.
Proiektuak
Aurkeztu ziren proiektuen maila oso ona izan zen, aurretik definitutakoez gain, beste batzuk ere izan ziren.
- Luis Pérez de Szena: Esperimentu berezia.
- Las Indias Electrónicas Grupo Cooperativo. : Jada egituratzen hasi den esperimentu inspiratzailea.
- grado LEINN : MUk bultzatutako gradu berezia, gauzak egiten ikasten dira! Aitorrek azkar ikasten du.
- Economía Abierta : Julenek aurrera eramaten duen ikerketa interesgarria. Proiektu (empresa?) berezien mapa egiten. Beste forma batzuk ere badaudela erakusten digute.
- Bagara prozesua eu es: Behintzat Euskal Herri osora zabaldu behar dugun eztabaida prozesua.
- GBE-NER : Gauzak egiteko beste era bat.
- Investic : Txikitik hasi den, hacker sustraiak dituen proiektu eta jende bereziki interesgarria.
- Trendtrotters : Proiektu ezberdina.
- Gureweb coworking : Hastapenetan dagoen ideia zoragarria.
Nire ondorioak
Denon artean ondorio orokor batzuk atera genituen, baina horiek kontutan hartuta, hauek dira niretzat gorde ditudan mezuak:
- Konfirmatu dut, izaera kooperatiboaren galera. Hau ez da kooperatibismoan bakarrik gertatzen, indibiduoa (ez pertsona) gauza guztien aurretik jarri duen sistemak, gutasunak (bere zentzu zabalean) eskaintzen zizkigun babes eta elkartasun harremanak hausten saiatu da. Kooperatibismoa eta langileen esparruak ez dira salbuespena izan eta oraindik gauza asko mantentzen badira ere, ideia berriak eta ekintzak behar dira hau berreskuratzeko.
- Internetek, teknologia berriek, komunikazio tresnek sareak sortzeko aukerak ematen dituzte. Demokrazia ekonomikoan lan egin nahi duten pertsonen arteko sareak osatzen joan gaitezke. Versvs-ek proposatu duen bezala direktorio bat osa dezakegu, bazar bat.
- Sistemaren deskonposizioak, eredu demokratikoagoen beharra azkartzen du. Momentua da beraz, eztabaida sozializatzeko eta lanean hasteko. Gutxi gara, baina etorkizuneko jendarte hobeago bat sortu nahi badugu eztabaida zabaldu behar dugu. Gurean masa kritiko bat egon daiteke. Bagara prozesua horren adierazgarria da.
- Ezagutza aniztasuna, espezializaziotik ihes egin. Orain arte espezializaziora bultzatu gaituzte, baina gure etorkizunari mugak jartzeko bakarrik balio du horrek. Gauzak eginez ikasten dira, baina etengabe gauza berriak probatzen eta ikasten egon behar dugu. Berrikuntza mila gai, eztabaida, jakintza esparru, pertsona… nahasten diren tokietan sortzen da.
- Ekintzailetasunaren faktore garrantzitsu bat inkonformismotik abiatzen da askotan. Inkonformismotik jaio askotan eta komunitate eta laguntza egokiak aurkitzen dituen testuinguruan. Hori horrela bada, goazen komunitateak jostea eta laguntzak ez badaude sortu beharko ditugu. Beti ere, testuinguru hori sortu nahi diren egituren araberakoa izan behar du. Enpresa demokratikoagoak sortu nahi baditugu, jendartea (hezkuntzatik hasita) demokratiko eta partea-hartzaileagoa izan beharko du. Protagonistek bere gain hartuko duten jendartea.
Beste kronika batzuk
Beste batzuek ere oso kronika, burutazio eta gogoeta politak idatzi dituzte:
- Sareak josten
- Demokrazia ekonomikoari buruzko II. topaketa transnazionala
- Espiritu kooperatiboaren galera nabarmendu zuten jardunaldian
- Democracia económica apertura
- II Encuentro sobre Democracia Económica: lo que aprendimos
- La democracia económica y el bazar
- II trobada sobre democràcia econòmica
Bideoak grabatzen egon ginen, prestatzen joango naiz eta gutxinaka publikatuko ditut, democraciaeconomica.net webgunean.
-
Aberastasunaren banaketari buruz jakin nahi zenuena eta inorrek kontatuko ez dizuna
teketen
Aberastasunaren banaketa ere politika kontua da eta Euskal Herrian (eta munduan orokorrean) oso gutxi hartzen da kontutan. Kontuak makilatu egiten dira, datuak ezkutatu, noski lehenengo munduan bizi gara eta beste batzuk baino aberatsagoak, noski! Baina hemen ere aberastasunaren banaketa ez da batere zintzoa. Datu batzuk (EAE 2008):
BPG 70.631.253.000 euro
BIZTANLEAK 2.141.860 lagun
BPG per capita 32.977 euro
Errenta per capita 28.731 euroEz dakit zuei baino hau horrela izanik niri behintzat ez zaizkit kontuak ateratzen, non dago nik jaso behar nuen dirua? Zeinek dauka? Lagunekin hitz egin dut eta beraiei 28.731 euro horiek ezinezkotzat jo dituzte, adin kontua ote? Nire aitari galdetu diot, nire ezagunei, hauen erantzuna… 28.731 euro jasotzen ditudala urtean? JaJajaja.
Hau gutxi balitz, hona hemen ezkutatzen diguten neurri bat GINI koefizientea[es]. Gini koefizientea aberastasunaren banaketa (edo metaketa) neurtzeko indize bat da. GINI indizearen arabera:
- 1. Namibiak 74,3 (banaketarik okerrena)
- 130. Danimarkak aldiz 24,0 (banaketarik hoberena)
Gure inguruko herrialdeei begiratzen badiegu.
- 86. Espainiak 34,66
- 103. Frantziak 32,74
Ba EAEko datuak hartzen baditugu
EAE 11. den Brasilen mailaren inguruan aurkituko litzateke 55ko balioaren inguruan
Horrek esan nahi du EAEn aberastasunaren banaketa erabat justiziarik gabekoa dela. Aberastasunaren banaketa baino, aberastasunaren metaketa oso handia, lotsagarria dagoela esan daiteke. Denok dakigu non dagoen aberastasun hori, orain ez daitezela etorri guri kontuak eskatzera. Ipar Europako herrialdeekin konparatzea gustatzen zaienei, hasi daitezela honetan ere konparaketak egiten.
Beste ondorio bat atera daiteke honetatik, aberastasunaren metaketa hain da handia ezin dela era normal batean maila hori eskuratu. Horrek esan nahi du batzuk, besteenganako zapalketaren bidez lortzen dutela aberastasuna. Hori izan daiteke arrazoi bakarra. Ez dira argiagoak, azkarragoak, hobeagoak, zapaltzaileagoak baizik. Nire lagun batek esaten duen bezala “Ez dut bere lanarekin aberastu den inor ezagutzen” eta datuek arrazoia duela esaten dute.
Bukatzeko, seguru nago zuetako askok ez zuela GINI koefizientea ezagutzen, ez pentsa atzo arte nik ere ez. Zaila izango zaizue gainera, herrialde askok bere estatistika neurrietatik kentzea erabaki zuten eta, kasualitatea txo! Baina datu hauek, pentsatzen nituen gauza asko baieztatzen dituzte, baieztatu baino gehiago beldurra ere sortu didate. Nola bizi gaitezke hau onartuz? Beno bai, hipoteka ordaindu beharra, lan prekarioa, ikasketen ordainketa… Ulertzen dut, ez pentsa, baina…
Datu batzuk Elkartzenen aurkezpen batetik hartuak izan dira.
-
Alternatiba?
teketen
1989ean Francis Fukuyama AEBetako politologo famatuak Historiaren bukaera iragarri zuen: “kapitalismoak irabazi du betiko”, zioen. Ez da denbora asko pasatu irabazleek behea jotzeko. Gizateriak, benetan, beste gizarte mota bat behar du. Egungo sistemak milaka milioi pobre sortzen ditu; lana egiteko (aldi baterako) zortea duten horiek larritasunean murgiltzen ditu; gerrak biderkatzen ditu eta Lurreko baliabideak xahutzen ditu. Gizateria oihaneko legearen menpe bizitzera behartu nahi izatea, jendea ergeltzat hartzea da. Nola lortu gizarte onberagoa, pertsona guztiei etorkizun duina eskainiko diena? Horixe da denek zabaldu behar dugun eztabaida. Taburik gabe.
* Krisiari buruzko informazioa hedatzeko ekimenaren barnean egindako itzulpena
-
Hirugarren mundua?
teketen
Krisiak Iparraldean dituen ondorioz bakarrik hitz egiten digute. Egia esan, hirugarren munduak ondorio larriak sufrituko ditu krisiak sortuko dituen atzeraldi ekonomikoaren eta lehengaien prezioen jaitsieraren ondorioz.
* Krisiari buruzko informazioa hedatzeko ekimenaren barnean egindako itzulpena
-
Neoliberalismoa?
teketen
Krisia sortu ez, azken 20 urteetako moda neoliberalak bizkortu egin du. Neoliberalismo hori hirugarren munduan ezartzen saiatu dira herrialde aberatsak. Hugo Chavezen zazpi pekatuak liburua idazten ari naiz orain. Hori prestatzen nabilela ikasi ahal izan dudanez, neoliberalismoak milioika pertsona miseria gorrian utzi ditu Latinoamerikan. Baina Hugo Chavez, erresistentzia seinalea bidali duen gizona; Munduko Bankuari, multinazionalei eta NDF Nazioarteko Diru Funtsari aurre egin dakiokeela frogatu duen gizona; pobrezia gutxitzeko neoliberalismoari bizkarra eman behar zaiola erakutsi duen gizona; etengabe deabru bihurtzen dute hedabideetako gezurrek eta oinarririk gabeko difamazioek. Zergatik?
* Krisiari buruzko informazioa hedatzeko ekimenaren barnean egindako itzulpena
-
Hedabideak?
teketen
Hori guztia azaldu ordez, bigarren mailako gaiei ematen diete atentzioa. Egindako akatsak bilatu beharko direla esaten digute, arduradunak topatu beharko direla, gehiegikeriei aurre egin beharko zaiela… Baina, kontua ez da akats hori edo bestea, sistema baizik. Krisi hau saihestezina zen. Behea jotzen ari diren enpresak ahulenak edo zorte txarrena izan dutenak dira. Aurrera ateratzen direnak, gure bizitzen gainean eta ekononomiaren gainean oraindik botere gehiago izango dute.
* Krisiari buruzko informazioa hedatzeko ekimenaren barnean egindako itzulpena
-
Bankuak salbatu?
teketen
Bankuetako bezeroak babestu behar dira, noski. Baina, Estatua egiten ari dena aberatsak babestea eta galerak nazionalizatzea da. Belgikak, esaterako, jendeari eroste ahalmena mantentzen laguntzeko 100 milioi euro ez zituen, baina bankuak salbatzeko 5.000 milioi topatu ditu bi ordutan. Guk ordaindu beharko ditugun milaka milioi dira. Ironikoa zera da, Dexia banku publikoa zela eta Fortisek ondo funtzionatzen zuen banku publiko bat irentsi duela. Horri esker, Fortiseko agintariek negozioak egin dituzte 20 urtez. Eta orain, sistemak ez funtzionatzen ez duenean, eskatzen al zaie agintari horiei irabazi eta gorde duten diruarekin egin dituzten hutsak ordaintzeko? Ez, guri eskatzen digute ordaintzeko.
* Krisiari buruzko informazioa hedatzeko ekimenaren barnean egindako itzulpena
-
Oinarri etikoak dituen kapitalismoa?
teketen
Badira 150 urte hori dioen hitza ematen ari zaizkigula. Bushek eta Sarkozyk ere eman digute hitza. Baina, benetan, tigreak barazkizaleak izatea bezain ezinezkoa da. Kapitalismoa hiru printzipiotan oinarritzen da: 1. Ekoizpen eta finantziazio baliabide handien jabetza pribatua. Ez du jendeak erabakitzen, multinazionalek baizik. 2. Lehiakortasuna: gerra ekonomikoa irabaztea, alegia, aurkariak deuseztatzea. 3. Etekin handiena: bataila hau irabazteko ez dira nahikoak etekin normalak edo dezenteak, aurkari diren enpresetatik aldentzeko moduko etekinak behar dira. Kapitalismoa, Karl Marxek esan bezala, oihaneko legea da: “Kapitalari beldurra ematen dio etekinik ez izateak. Etekin dezentea lortzen duenean, harro sentitzen da. %20ra iristean berotu egiten da. %50ean ausartegia da. %100 lortzean giza lege guztiak suntsitzen ditu eta %300era iristean ez da gelditzen, krimena edo bidegabekeria edozein dela ere.
* Krisiari buruzko informazioa hedatzeko ekimenaren barnean egindako itzulpena
-
Gaindituko den krisia besterik ez da?
teketen
Historiak erakutsi digu kapitalismoa krisi batetik bestera doala beti; batzuetan, gerra on bat erabiltzen du bertatik ateratzeko (aurkariak deuseztaten ditu, enpresak, azpiegiturak, eta horrek ekonomia berrindartzeko balio du). Egia esateko, handiek krisi garaiak baliatzen dituzte ahulenak deuseztu edo bereganatzeko. Horixe gertatzen ari da orain AEBetako bankuen sektorean. BNPk Fortis irentsi du, esaterako (eta hau hasi besterik ez da egin). Baina, krisiak kapitala multinazional gutxiagoren eskuetan konzentratzeko joera indartzen badu, zein izango da ondorioa? Talde handi horiek oraindik baliabide gehiago izango dituzte eskulana deuseztu edo pobretzeko, eta, horrela, lehian indartsuagoak izango dira. Berriz ere hasierara itzuli gara.
* Krisiari buruzko informazioa hedatzeko ekimenaren barnean egindako itzulpena
-
Benetako sorburua?
teketen
Argi dago ohiko heabideek ez digutela ezer esaten. Baina, hala ere, subprime hipotekak iceberg-aren punta besterik ez dira. AEBak astintzen ari den superprodukzio krisi baten adierazpen/agerpenik ikusgarriena dira. Mendebaldeko gainontzeko herrialdeei ere eragiten die egoerak. Multinazional baten azken helburua langileak pilaka kaleratzea da, lan bera langile gutxiagorekin egiteko; gainera, soldatak jaisten badituzte eta gobernu konplizeen laguntza badute, nori salduko dizkiete kapitalistek beren merkantziak? Euren bezeroak pobretu egin dituzte etengabe!
* Krisiari buruzko informazioa hedatzeko ekimenaren barnean egindako itzulpena
-
Soilik bankuetako krisia da?
teketen
Ez, ezta gutxiago ere. Benetako krisi ekonomikoa da. Bankuen sektorean hasi da, baina bere sorburua sakonagoa da. Egia esateko, AEBetako ekonomia guztia kredituei esker bizi da duela 30 urtetik. Bankuak beren ahalmenen gainetik zorpetzen dira, Estatua ere horrela zorpetzen da (gerra egiteko) eta herritarrei ere sistematikoki bultzatu zaie zorpetzera. Hori da ekonomia hazkundea artifizialki mantentzeko modu bakarra.
* Krisiari buruzko informazioa hedatzeko ekimenaren barnean egindako itzulpena
-
Subprime hipotekak?
teketen
Krisiaren abiapuntua iruzurra besterik ez da. AEBetako familien kontura diru asko irabazi dute mendebaldeko bankuek. Hipotekak ordaintzeko modurik ez bazuten, euren etxeak lau sosengatik kenduko zizkietela esaten zieten.
* Krisiari buruzko informazioa hedatzeko ekimenaren barnean egindako itzulpena
-
Krisia
teketen
Krisiari buruzko artikulu interesgarrien bilduma bat egiten ari naiz eta horretarako krisiari buruzko lotura sorta bat egiten nabil bildu.net erabiliz. Laguntzeko iruzkin bat utzi hemen bertan edota bildu.net-en krisia etiketarekin interesgarria den artikulu hori gorde.
Horretaz gain, Michel Collonen artikulu interesgarri bat itzuli nahi dut. Oso argia da 10 galdera erantzun ditu. Egunero bat itzuli eta plazaratzea da nire ideia.
