Teketen » gnu/linux http://teketen.com Jendartea eta teknologia uztartuz Tue, 07 Feb 2012 07:06:31 +0000 eu hourly 1 http://wordpress.org/?v=3.2.1 Quid pro quo http://teketen.com/2010/05/quid-pro-quo/ http://teketen.com/2010/05/quid-pro-quo/#comments Fri, 14 May 2010 14:00:58 +0000 teketen http://teketen.com/?p=2122 Ubuntu sistema eragilearen GNU/Linux banaketak bertsio berria atera du. Bertsio garrantzitsua izango da, LTS Long Term Support motakoa baita. Interesgarriena, baina, sare sozialekiko, komunikazio tresnekiko eta dokumentuak on line kudeatzeko Ubuntu One sistemarekiko bateragarritasuna dira.

Tresna horiek guztiek argi uzten digute sistema eragileak eta dakartzan aplikazioak jada ez direla gure ordenagailuaren funtzio minimoak funtzionarazten dituzten tresnak bakarrik. Gure kanpoko munduarekin harremanak kudeatzeko tresna izatera ere pasatzen ari dira. Gure ordenagailuan exekutatzen ditugun programez gain, sareen bidez erabiltzen ditugun beste askok ere garrantzi bera dutela, alegia.

Aspaldi erabiltzen ditugu gure ordenagailuan ez dauden programak. Posta irakurtzeko, gutako askok posta elektronikoa irakurtzeko webgune bat erabiltzen dugu. Outlook bezalako programak erabili gabe irakurtzen dugu posta elektroniko hori. Baina orain tresna horiek guztiak gure sistema eragilearekin bat egiten ari dira.

Norbaitek Twitterrera mezu bat bidaltzen digunean, gure Facebookeko kontaktu batek idazten digunean, posta mezu bat iristen zaigunean edota dokumentu bat gurekin partekatzen dutenean abisu bat jasoko dugu gure sisteman bertan. Truke hau ez da zentzu bakarrekoa izango, gainera. Gure sistemak berak zenbait kasutan kokapena edo beste informazio batzuk bidaliko dizkio sarean erabiltzen ditugun tresna horiei, beraien lana egiteko. Esan daiteke nolabait sistema eragilea, gure sistema fisikoa kudeatzeaz gain, sarean erabiltzen ditugun aplikazioak kudeatzeko tresna bihurtu nahi dutela. Honek alde onak ditu -gure sistema eragiletik dena kontrola dezakegu-, baina alde txarrak ere baditu. Truke honetan, gure dokumentuen eta zenbait programen kontrola galduko dugu. Beti esaten dugu, baina bakoitzak neurtu beharko du zer den truke honetan irabazi eta galdu nahi dena.

Sistema eragileak gure inguruko tresna teknologiko gehienetan daude. Gailu horietako bat, noski, sakelako telefonoak dira. Telefonoak egunean zehar aldean izaten ditugu, eta bertan dagoen informazio asko pribatua da, kokapena kasu. Quid pro quo hori ere berraztertzen hasi beharko gara.

Berriako Irlen Sarea atalean argitaratutako artikulua

]]> http://teketen.com/2010/05/quid-pro-quo/feed/ 1 Leihoaren beste aldean… http://teketen.com/2009/11/leihoaren-beste-aldean/ http://teketen.com/2009/11/leihoaren-beste-aldean/#comments Fri, 13 Nov 2009 08:59:53 +0000 teketen http://teketen.com/?p=1502 Microsoft enpresaren sistema eragile berria gurekin da. Aurrekoek gaizki egiten zituzten gauza horiek guztiak konpontzera omen dator Windows 7 berria. Baina, aldi berean eta marketin kanpaina handirik gabe, Ubuntu 9.10 (http://ubuntu.com) sistema eragilearen bertsio berria ere kaleratu dute. Hori ere, diseinu landuagoarekin, azkarragoa, ziurragoa, librea eta dohainik gainera.

Tux pinguino ezaguna maskota duten GNU/Linux familiako sistema eragileek, Ubuntu kasu, asko hobetu dute, eta jada ia edozeinek erabiltzeko moduko sistema eragileak dira. Erabiltzaile gehienek nahikoa dituzten aplikazioak ekartzen ditu Ubuntu 9.10 sistemak, edo oso erraz instala daitezke berriak. Testu editorea, irudiak, audioa, bideoak lantzeko tresnak, berehalako mezularitza aplikazioak, nabigatzailea eta posta elektronikoa… Aplikazio horiek guztiak instalatuta datoz, Windows ingurunean ordainduz edo «nonbaitetik» hartuz eskuratu beharko genituzke. Aplikazio batzuk beharbada ez dira guztiz parekoak, baina beste batzuk hobeak ere badira.

Mundu honetara gerturatzen hasteko bideak asko dira. Beharbada, Windows mundutik datorren pertsona bat has daiteke ohikoak diren zenbait tresna libre instalatzen Windowsean bertan. Open Office, Mozilla Firefox, GIMP, Pidgin… Ondoren beharbada Ubuntu edo beste GNU/Linux sistema bat probatzera animatu daiteke. Horretarako, Ubuntuko CDa deskargatu, eta automatikoki ordenagailua CDarekin batera piztutakoan, sistema probatzeko aukera izango du, ezer egin gabe. Azkenik, instalatzera animatzen bada, mahai gainean azaltzen den ikono bat sakatuz instalazio gidatu bat abiaraziko litzateke.

Ubuntu eta aipatutako aplikazio guztiak euskaraz daude. Software librearen inguruan bildutako talde, erakunde, pertsona eta enpresek itzuli dituzte. Era banatu batean lan eginez, sistema eragile bat eta ehunka aplikazio itzulita daude. Baina, gainera, lan hori inolako oztoporik gabe berrerabili ahal izango dugu, beste tresna asko ere itzultzeko. Euskarazko tresnak izateko aukera bakarrenetakoa software librearen aldeko apustua egitea da. Egun batean zure leihotik begira bazaude eta leihoaren beste aldean zer dagoen galdetzen badiozu zeure buruari, ez izan beldurrik, hemen bero egiten du, nahiz eta pinguino artean bizi.

Berria.info webgunean | PDF bertsioa | Inprimatzeko bertsioa

Berriako Irlen Sarea atalean argitaratutako artikulua

Honekin loturik Info7 irratiko audio [mp3] [ogg] elkarrizketa.

[podcast]http://teketen.com/wp-content/uploads/2009/11/leihoaren_beste_aldean.mp3[/podcast]

]]> http://teketen.com/2009/11/leihoaren-beste-aldean/feed/ 2 Ubuntu http://teketen.com/2009/07/ubuntu/ http://teketen.com/2009/07/ubuntu/#comments Wed, 01 Jul 2009 20:26:15 +0000 teketen http://teketen.com/?p=1222 Ubuntu argi dago GNU/Linux banaketa arrakastatsuenetako batean bilakatu dela. Asko dira honi buruz Interneten eskuratu daitezkeen informazioak. Ubunturen gune ofizialean laguntza gunea oso garrantzitsua da. Bertan informazioa eta galderak egiteko aukera dago. Horretaz gain, informazioa lasai irakurri nahi badugu liburuak ere badaude. Horietako batzuk ordaindu behar badira ere, beste asko ez. Horietako bat Ubuntu Pocket Guide and Reference.

Euskarazko ekarpen txiki bat egin nahi dut hemendik. Ubuntu aurkeztu eta erreferentziazkoak diren zenbait aplikazio erakusteko.  Elurneteko orritik PDFan jaitsi dezakezue, baina bestela zuzenean aurkezpenaren gainean klikatuz ikusteko aukera ere baduzue.

]]> http://teketen.com/2009/07/ubuntu/feed/ 0 Linux sistemaren eta sarearen administrazioa (Debian + Ubuntu) http://teketen.com/2009/02/linux-sistemaren-eta-sarearen-administrazioa-debian-ubuntu/ http://teketen.com/2009/02/linux-sistemaren-eta-sarearen-administrazioa-debian-ubuntu/#comments Sat, 14 Feb 2009 09:12:27 +0000 teketen http://teketen.com/?p=935 linux-sistemaren-eta-sarearen-administrazioa-debian-ubuntu-2Linux sistemaren eta sarearen adminitstrazioa liburuaren 2. edizioaren ale bat eskuratu dut. Liburu honetan azaltzen diren edukiak GNU/Linux sistema batean ibiltzen ikasteko eta hau kudeatzen hasteko beharrezko gehiena erakusten da. Pausoz pauso, ariketak proposatuz, adibide zehatzekin sistemaren kudeaketa eta sarearena oso era errazean erakusten du. Liburuaren aurkibidea ikus daiteke baita sarrerako atala ere.

1. edizioa Mandrake banaketara egokitua zegoen, baina oraingoa Ubuntu + Debian banaketetara egokitu da. Hala ere, bertan azaltzen diren gauza gehienak komando bidez egiten direnez, edozein banaketarako balio dute. Lasai, lehenengo aldiz GNU/Linux sistema batera gerturatzen zaretenontzat ez izan beldurrik, hasieran arraroa bada ere laster konturatuko zara komando lerroa erabiltzea oso baliagarria dela eta hau erabiltzea askotan azkarragoa. Hala ere, ingurune grafikoa ez da alde batera uzten eta zenbait tresna grafikoren erabilpenaren adibideak ere ematen dira.

Egileak Iñaki Alegria eta Roberto Cortiñas EHUko irakasleak dira. Liburua UEUk argitaratu du eta bere dendan salgai aurkituko duzue. Horrelako liburuak euskaraz edukitzea luxu bat da. Copyright-a du oraindik, ea hurrengo edizioak hori ere libre egiten duen.

]]> http://teketen.com/2009/02/linux-sistemaren-eta-sarearen-administrazioa-debian-ubuntu/feed/ 0 Txintxarri CCCP http://teketen.com/2009/02/txintxarri-cccp/ http://teketen.com/2009/02/txintxarri-cccp/#comments Tue, 10 Feb 2009 11:24:16 +0000 teketen http://teketen.com/?p=914 CCCP ekimenetan informazioa eta ezagutzak partekatzen ditugu. Gisa-ellkarteko lagunek antolatutako ekimen honetan era informal batean metaikasten dugu. Animatu eta etorri larunbatean (Otsailak 14) Errenteriara.

cccp_txintxarri2

]]> http://teketen.com/2009/02/txintxarri-cccp/feed/ 1 Sofware Librea Euskal Herrian aurkezpena http://teketen.com/2008/11/sofware-librea-euskal-herrian-aurkezpena/ http://teketen.com/2008/11/sofware-librea-euskal-herrian-aurkezpena/#comments Fri, 14 Nov 2008 16:34:32 +0000 teketen http://teketen.com/?p=631 Software Librea Euskal Herrian jardunaldietan egon nintzen eta hitzaldi/aurkezpen bat erabili nuen bertan. Bertaratu zen jendea oso parte hartzailea izan zen eta antolatzaileen aldetik oso jarrera ona izan nuen. Hemen uzten dizkizuet bertan erabilitako materialak.

Aurkezpena ODT formatuan (gero igoko dut)

]]> http://teketen.com/2008/11/sofware-librea-euskal-herrian-aurkezpena/feed/ 0 Ubuntu sistema eragileari buruz, lantalanek eskatua http://teketen.com/2008/07/ubuntu-sistema-eragileari-buruz-lantalanek-eskatua/ http://teketen.com/2008/07/ubuntu-sistema-eragileari-buruz-lantalanek-eskatua/#comments Thu, 03 Jul 2008 11:51:00 +0000 teketen http://www.teketen.com/?p=449 Lantalan-ek horrela eskatuta beste hainbat lagunekin Ubuntu sistema eragileari buruz idatzi genuen “Ubuntu sistema eragilea” artikuluan.
Parte hartzaileak: ]]> http://teketen.com/2008/07/ubuntu-sistema-eragileari-buruz-lantalanek-eskatua/feed/ 0 Ubuntu eta Software librea http://teketen.com/2007/11/ubuntu-eta-software-librea/ http://teketen.com/2007/11/ubuntu-eta-software-librea/#comments Thu, 08 Nov 2007 06:34:00 +0000 teketen http://www.teketen.com/?p=384
Ubuntuko CDak iritsi dira etxera Kontaizu aldizkari elektronikoan software libreari buruz hitz egiten genuen hilabete berdinean eta GISA (Gipuzkoako Software Askea Elkartea) elkarteko Maiderri egindako elkarrizketa argitaratzen den une berean. Kointzidentzia polita.

]]> http://teketen.com/2007/11/ubuntu-eta-software-librea/feed/ 0 Ubuntu eguneratu berri http://teketen.com/2007/10/ubuntu-eguneratu-berri/ http://teketen.com/2007/10/ubuntu-eguneratu-berri/#comments Tue, 16 Oct 2007 07:54:00 +0000 teketen http://www.teketen.com/?p=373 Ubuntu eguneratu berri dut 7.10 bertsiora oraindik egun batzuk falta badira ere. Oso ondo doa eta berrikuntza batzuk ere ekartzen ditu, hemen hauetako batzuk:
  • Itxurari dagokionez 3D mahaigaina lehenetsi bezala (efektuak jarri/kentzeko aukera erraza)
  • Inpresio mekanismoak hobetu dituzte (PDFra esportatzeko aukera).
  • Bilaketa lokalerako tresna berria.
  • Inpresorak instalatzeko era berria inpresora konektatu eta listo.
  • Driver ez libreak errazago instalatzeko tresna.
  • Firefox gehigarriak kudeatzeko tresna berria.
  • …

Aurreko bertsioa duzuenok berrira eguneratu nahi baduzue komando hau erabili:

sudo update-manager -d

]]> http://teketen.com/2007/10/ubuntu-eguneratu-berri/feed/ 4 Pegatinak reloaded (do it yourself) http://teketen.com/2007/06/pegatinak-reloaded-do-it-yourself/ http://teketen.com/2007/06/pegatinak-reloaded-do-it-yourself/#comments Thu, 21 Jun 2007 07:28:00 +0000 teketen http://www.teketen.com/?p=320 Blog honen irakurleek gogoratuko dute “Designed for ubuntu” pegatina. Pegatina hura etxean genituen pegatinak birziklatzeko era dibertigarri bat izan zen. Antza denez ez naiz bakarra eta pegatina sorta handi bat prestatu dute gure pegatinak egin ahal izateko. Pegatinak birziklatzeko gogoa ez baduzu badago pegatina papera ere pegatina berri berriak egin ahal izateko.

Hemen ikusia: Xiberneticos

]]> http://teketen.com/2007/06/pegatinak-reloaded-do-it-yourself/feed/ 1