Hemen uzten dizuet Web mugikorrari buruz emandako ikastaroaren aurkezpena. Gazteleraz dago ikastaroa horrela izan zelako baina euskaraz egin behar badut euskarazko bertsioa ere igoko dut. Hemendik aurrera ikastaroen aurkezpenak Elurneten webgunean ere igoko ditut. Disfrutatu!
•
Informazioa, edukiak sindikatzeari esker, parte hartuz kudeatzea
IKASTAROA: INFORMAZIOA, EDUKIAK SINDIKATZEARI ESKER, PARTE HATUZ KUDEATZEA (EUSKARAZ)
- Hasiera data: 2008/09/30
- Amaiera data: 2008/10/02
- Ordutegia: 15.00etatik 19.00etara
- Iraupena: 12 ordu
- Enpresa: Elurnet Informatika Zerbitzuak S.L.
- Antolatzailea: Miramon Enpresa Digitala
Deskribapena:
Edukiak sindikatzearen erabilera blogen gorakada gertatu arte hedatu ez bada ere, gaur egun eremu horretatik irten da eta ia edozein lekutan sindikatzeko aukera aurki dezakegu. Horri esker informazio-iturri askotan eman dezakegu izena eta informazioa etengabe jaso dezakegu.
Gero eta garrantzi handiagoa du informazioa era egokian kudeatzeak. Tresna horien bitartez, gure sektoreko albisteak ezagut ditzakegu, gure enpresari edo gure sozietateari edo taldeari buruz zer esaten den jakin dezakegu, alertak jaso ditzakegu, etab.
Informazioa jasotzeko aukeraz gain, informazioa trukatzeko modua ere eskaintzen du (taldeen artean, modu publikoan edo pribatuan), parte-hartze deszentralizatu baten bidezko hartu-emanean.
Gure edukiak geure ingurunetik kanpo hedatzeko aukera eskaintzen digute.
Formatu estandarrari esker, gure edukiak milaka lekutara heda ditzakegu, oso ahalegin txikiarekin.
Gaur egungo Interneten parte hartzen duten enpresa, sozietate eta taldeek entzun egin behar dute eta tresna berritzaileez hornitu behar dira, informazioa modu eraginkorragoan kudeatzeko.
Nori zuzendua: Komunikazio-ardurak dituzten informazio-kudeatzaileei, programa-garatzaileei, marketin-arduradunei eta, orokorrean, Internet begien aurrean duen enpresa, sozietate edo talde orori.
Helburu orokorrak: Tresna asko dira sindikatzeko aukera eskaintzen digutenak; horregatik, helburua da informazio-iturri horiek guztiak jasotzea, aukeratzea, era egokian definitzea, iragaztea, kudeatzea eta erabiltzen ikastea.
Helburu operatiboak:
- Edukiak sindikatzea zer den ikastea.
- Edukiak sindikatzeko aukera eskaintzen duten zerbitzuak ezagutzea.
- Feed-ak (edo kanalak) irakurtzeko tresna kontrolatzea.
- Zerbitzu horien guztien informazioa kudeatzen, iragazten eta sailkatzen ikastea, Yahoo pipes bezalako erremintekin.
- Edukiak sindikatzeak barne-komunikaziorako eskain ditzakeen aukerak ezagutzea.
- Edukiak sindikatzeak izan ditzakeen erabilera zehatzak ezagutzea eta zein esparrutan baliagarri izan daitezkeen jakitea.
Tokia: Miramoneko Teknologiko Elkartegia. Mikeletegi pasealekua 56 1. 20009 Donostia
Egitaraua:
1. MODULUA
· Zer da edukiak sindikatzea?
· Sindikatzeak eskaintzen dituen aukerak.
· Feed mota ezberdinak eta nola erabiltzen diren.
· Feed formatu eta mota ezberdinak.
· Informazioaren kudeaketa egokia egiteko hainbat erabilera.
· Hainbat bilatzaileren bidezko alertak.
· Talde-lanerako hainbat tresnaren integrazioa.
2. MODULUA
· Informazioaren kudeaketa egokia egiteko hainbat erabilera (jarraipena).
· Gure informazioa hainbat lekutan nola erakutsi.
· Buletin elektronikoak sortzea.
· Atari tematikoak sortzea.
· Informazioa erakunde barnean trukatzea.
· Hainbat informazio-iturri iragaztea, nahasketa eta berrerabilpena, Yahoo pipes erabilita.
3. MODULUA
· Informazioaren kudeaketa egokia egiteko hainbat erabilera (jarraipena).
· Hainbat informazio-iturri iragaztea, nahasketa eta berrerabilpena, Yahoo pipes erabilita (jarraipena).
· RSSren eta hainbat formaturen arteko bihurketa.
· Podcast eta Vidcast.
· Inportazioa eta esportazioa OPML formatua erabiliz.
· Edukiak sindikatzearen etorkizuna.
Bestea:
Metodologia:
Erabiliko den metodologian, teoria eta praktika tartekatu egingo dira.
1. Modulu bakoitzaren hasieran, jorratu beharreko gaien laburpena egingo da.
2. Jorratu beharreko gaiaren azalpena egingo da.
3. Behar den unean, dagokion praktika egingo da.
4. Amaitzeko, debatea eta zalantzak argitzea.
Ikastaroa euskaraz izango da.
•
Software libre ikastaroa
Aurten ere (eta honekin 3 urte betetzen ditugu jada), Software Librearen inguruko graduondoko Ikastaroa antolatu dugu. On line ikastaro bat da, eta EHUren bedeinkapenarekin dator. Hau da, graduondoko ikastaro ofiziala. Guztira 34 ECTS kreditu gainditu beharko dituzu ikastaroan zehar. Baina benetan diotzut: merezi du, hortik aurrera software libreari buruz ez duzu inolako zalantzarik izango, eta bide batez, dibertituko gara 
Hona hemen behar dituzun esteka eta xehetasun guztiak:
Euskal Herriko Unibertsitateak,Asmoz
Fundazioa eta Udako Euskal Unibertsitatearen
laguntzaz, Software Librean oinarritutako zerbitzari baten funtzio garrantzitsuenak
garatzeko gaitasunak irakasteko helburuarekin antolatu du ikastaroa.
Horren ondorioz, elkarrekin Software Librea: Sistema, Sarea,
Segurtasuna eta Web-aplikazioak on line ikastaroaren laugarren edizioa burutuko
dute, nahiz eta Unibertsitate Graduondoko izaera lortu duenetik lehenengo
edizioa izan.
- Ikastaroaren metodologiak
malgutasunari eusten dio, irakaskuntza birtuala eta aurrez aurrekoa
tartekatuz. - Egitarauak
aztertuko diren gaiak, izango duten iraupena eta parte hartuko duten
irakasleak biltzen ditu. - Matrikulazio
epea 2008ko urriak 8ra arte zabalik. Ikasle kopuru mugatua. - Iraupena: 2008ko urriaren 18tik 2009ko uztailaren 17ra.
- Aurkezpen
bideoa
Informazioa eta izen-ematea: Tel: 0034 943 21 23 69, http://linux.asmoz.org/, linux AT asmoz.org
Diariolinuxetik lapurtutako mezua 
•
Aurten ere Software Libre ikastaroa
Aurten ere software libre ikastaroa egongo da, matrikula epea irekia dago. Bideo honetan Iñaki Alegriak ikastaroaren nondik norakoak kontatzen dizkigu
•
Gasteizen bizirauten…
Gasteizen nago elurrak harrapatuta. Ikastaro bat eman behar nuen enpresa digitalean ikastaro bat eman behar nuen. Egun hauetan nire biziraupen teknika guztiak erabili behar izan ditut hasieratik bertan gelditzea pentsatzen ez banuen ere gelditu behar izan dut eta.
1.Eguna: Gasteizera astelehen gauean iritsi nintzen eta bilatu nuen lehenengo gauza Pentsio bat izan zen. Autobus paradatik gertu nahi nuen eta taka Artiumen ondoan bat. Gela ondo dago, merke (23 euro) eta zaindua, hori bai komuna kanpoan baina 2 daude. Pentsioaren izena Camas Mari.
Afaltzera Gora tabernara zein pizza goxoak, uhmmmmmmmmm eta merkeak 5 euro.
2.Eguna: Hurrengo egunean, Miñanoko parke teknologikora joateko arazo gehiegirik ez nuen izan, lagun batzuekin joan nintzen eta mantso baina iritsi ginen. Ikastaroa ondo atera zen hurrengo egunean.
Arratsaldean Artiumeko kafetegian goxo-goxo wifi batekin egoteko aukera izan dut. Wifi bytheface ea gure “politikoek” kontu hartzen duten. Kafetegian bai baina Artiumeko liburutegi edo dokumentazio gunean EZZZZZZZZZZZ. Kontsumitu behar Wifi zerbitzu publiko bat erabiltzeko ere…
Afaltzera Hala Bedi irratiko tabernara zein krep goxoak uhmmmm, izenak ere goxoagoak Molotoff, Zaharrak berri, komunista,… ezin aukeratu 15min igaro ditut aukeratzen ia. Azkenean Zaharrak Berri 
3. Eguna: Elurra mara-mara gau osoan berriek diote arazoak izango direla errepideetan (eta baita oinez ere). Autobusa hartu Miñanora, elurrari “esker” KAOS batean murgilduta zegoen Gasteiz lehen orduan… Autobusa iritsi da eta mantso mantso pixkat berandu iritsi gara 8.10 aldera baina ondo. Ikastarorako garaiz. 8.30 iritsi zirenean nire ikaslerik ez zegoen aaaaaaaaahhhhhhhh. Gutxinaka iristen hasi dira eta azkenean 9 ausart izan ditut klasean. Elektrizitate arazo latzak izan ditugu 10minuturo ordenagailuak itzaltzen ziren (nirea ez bateriari esker) eta berehala bueltatzen zen arren arazoak ezin direla ezin uka. Hala ere, papera eta eztabaida baliatu ditugu, papera klasean Internet gabeko tarteak amenizatzeko eta eztabaida web2.0 zuzenekoa egiteko Creative Commonsi buruzko eztabaida batean hasi gara, oso interesgarria.
Arratsaldean zerbait bazkaldu eta pentsioan egon ondoren Artiumeko Wifi santuan ibiltzeko gogoarekin atera naiz baina… Artium Wifi RIP. GORA tabernaren wifi santura joan naiz bertan leku goxoa eta entxufeak, kafea ere bikaina egia esan. Eta hemendik idazten dut esango dizuet nola amaitzen den istorioa baina orain arte Wifia behintzat ez zait falta. Faltan bota dut, NIRE NESKA (Jabik egiten duen moduan… Buzzin’ in my head:Nor da gogoan daukazuna nor da… (Ruper Ordorika)), zapatila eta galtzerdi lehorrak, mobila kargatzekoa (“guda ekonomia” ari naiz egiten deiak espero ez ditudan orduetan itzaltzen dut), aterki bat etab.
Hala ere, Gasteizen gustora alde zaharra bizitzaz eta elurrez beteta dago kaleak bizi, paretak pintadaz ederturik eta ni pozik. Orain arratsalde turistikoa Katedrala bisitatu nahi dut eta aukera badut beste zerbait. Gasteiz elurtean murgiltzera noa…
EGUNERAKETA: Gasteizen ateratako zenbait argazki Gasteiz elurtua albumean.
•
Web 2.0 eta Segurtasun informatikoaren inguruko ikastaroa
UEUren ikastaroen eskaintzaren baitako ikastaroen artean Elurnet-eko zenbait kidek parte hartuko dugu. UEUren eskaintza osoa hemen ikus daiteke. Ikastaro horien artean 2 nabarmendu nahi ditugu:
SEGURTASUN INFORMATIKOAREN BEHARRAZ JABETUZ
2007ko Martxoaren 10a – 2007ko Martxoaren 24a
Segurtasun informatikoa gaur egun ahotan dugun gaia da. Baina zergatik da hain garrantzitsua? Benetan behar al dugu hainbesteko segurtasuna? Zeintzuk dira arriskuak eta zein hartu beharreko babes neurriak? Ikastaro honetan segurtasunaren ikuspuntu praktikoa aztertuko dugu, eta gure inguruan ditugun arriskuei erantzun egoki bat ematen ikasiko dugu.
Lekua: UEUren Ikastetxe Nagusia. Isasi-Markeskoa jauretxea. EIBAR
Nori zuzendua: Sistemen administratzaileei. Segurtasun informatikoetan oinarri bat hartu nahi duen edonori. Informatikaren eta sistemen oinarrizko ezagutza edukitzea beharrezkoa da.
Matrikulazio prezioa: 97.5 Euro (ikasle / bazkideek: 83 Euro)
[info +] [izen eman!]
WEB 2.0
2007ko Martxoaren 12a – 2007ko Martxoaren 26a
Internet zeharkatzen ari diren fenomeno eta joera berri asko dago, horien artean Web 2.0 deitu izan zaiona ageri zaigu. Internet parte-hartzaileago, zabalago, irekiago bihurtzen ari dela adierazten digu horrek. Web 2.0 definizioaren barnean blogak, podcast, bideocast, jarioak, wikiak eta abar sartzen dira. Tresna berri horiek hainbat arlo profesionaletarako (hezkuntzarako, enpresarako…) aukera berriak ekarri dituzte. Horiek dira hain zuzen ere jorratuko ditugun gaiak.
Lekua: UEUren Ikastetxe Nagusia. Isasi-Markeskoa jauretxea. EIBAR
Nori zuzendua: Irakaskuntzan ari den edonori eta irakaskuntza prozesuan baliabide teknologikoen erabileran interesatuta daudenei. Enpresa munduan ari direnei eta inguru korporatiboan Web 2.0 tresnek dituzten abantailak eta erabilerak ezagutu nahi dituztenei. Web 2.0 deitutako joera eta bere definizioan sartzen diren tresnak ezagutu eta erabiltzen ikasi nahi duen edonori.
Oinarrizko informatika ezagutza eduki behar da.
Matrikulazio prezioa: 97.5 Euro (ikasle / bazkideek: 83 Euro)
[info +] [izen eman!]
Lekua: UEUren Ikastetxe Nagusia. Isasi-Markeskoa jauretxea. EIBAR
Nori zuzendua: Irakaskuntzan ari den edonori eta irakaskuntza prozesuan baliabide teknologikoen erabileran interesatuta daudenei. Enpresa munduan ari direnei eta inguru korporatiboan Web 2.0 tresnek dituzten abantailak eta erabilerak ezagutu nahi dituztenei. Web 2.0 deitutako joera eta bere definizioan sartzen diren tresnak ezagutu eta erabiltzen ikasi nahi duen edonori.
Oinarrizko informatika ezagutza eduki behar da.
Matrikulazio prezioa: 97.5 Euro (ikasle / bazkideek: 83 Euro)
[info +] [izen eman!]
Oharra: Mezu hau propagandatzat ere hartu dezakezu ikastaro hauetako irakasle edo laguntzailea naiz eta.