Latest Updates: mikroformatuak RSS

  • Web semantikoa eta Interneteko etorkizuna

    13:46 on 2009-12-04 | 1 Comment Permalink | Reply
    Tags: augmeted reality, cloud computing, , , , mashable web, mikroformatuak, open, , , , ,

    Elurnet-eko biltegian eskuragarri duzue beste askorekin batera, Enpresadigitalean emandako “Web semántica y el futuro de Internet” izeneko ikastaroko aurkezpena.
    Web_Semantica_y_el_futuro_de_internet

     

  • Mikroformatuen festa Googlen

    19:26 on 2009-05-13 | 2 comments Permalink | Reply
    Tags: , mikroformatuak, , semanticweb,

    Aspaldiko kontu bat da mikroformatuaen gaia blog honetan. Batzuek badakite zenbat txapa eman dudan mikroformatu eta RDFa bezalako teknologiekin. Arazoak izaten nituen jendeari teknologia hauen interesa erakusteko, baina gauzak egiteko era hobeago bat zela sinetsi behar zuten ia ia. Operator toolbar bezalako tresnek etorkizuna erakusten ziguten, baina hala ere zaila zen bistaratzea. Web semantikoa minuskulaz deitu genion honen inguruan hitzaldi, tresna eta ikastaro batzuk eman ditugu.

    Orain Googlek mikroformatu eta RDFa erabiltzen duten kritika edo iritziak jaso eta bere bilaketetan informazio hori ematen hasiko dela iragarri du. Hau da, Internet zeharkatzen joango da Googleren errobotak eta informazio semantiko hau duten rich snippets hauek dituzten atalak era berezian tratatuko ditu. Datu guzti horiek jaso ondoren metatu eta denon baturaz informazio sozial gehiago emateko gai izango da.

    09-5-10-drooling-dog-snippet-metadata-circled

    Googlek etorkizuna ezagutzeko aukera gehien duen enpresa da eta

    argi dago etorkizuna hemendik ikusten duela. Era hauetako teknologiak erabiltzen badira, Ez da bakarrik Google izango, edozeinek informazio zati horiek jaso eta bere aplikazio propioak, agregatzaileak, bilatzaileak egin ahal izango ditu. Horrek Googleren “monopolioa” lurperatzeko balio dezake, baina Googlek orain arteko Interneteko handiak bezala bere nagusitasuna, bide geldiezin horretan ere erreferente bilakatzeko baliatuko du. Google handia da, baina ez tontoa. Bide honek Interneteko datu eta informazio banatuago bati bidea irekitzen dio, horregatik teknologia semantiko hauek erabiltzea gomendatzen dizuet, ez Googlek erabiltzen hasi delako baizik eta etorkizunerako ere interesgarriak direlako.

    Eguneraketa: Iñaki Alegria irakasleak helbide interesgarri bat bidali dit Google Becomes Best Evangelist for Semantic Web

     

  • Blog berria eta helburu berrituak

    2:03 on 2008-09-19 | 1 Comment Permalink | Reply
    Tags: , , , mikroformatuak, , , podcast, , ,

    Azkenean nire bloga WordPressera ekarri dut. Erabakai atzeraezina zen Googlek azken urteetan lortzen ari den botere pilaketa dela eta. Hemendik aurrera Googletik kanpo gauza gehiago egiten saiatuko naiz, hori bai nire posta oraindik han dut ;) .

    Nire bloga ezagutzen zutenek ez dute gehiegi aldatu behar helbidea berdina da eta baita jarioa ere. Hala ere, begiratu jarioaren helbidea ondo duzuen. Nire bloga ezagutzen ez zutenei nire aurreko blogari bisita bat egiteko aukera dute oraindik.

    Bloga Bloggerretik WordPressera migratzeko zein pauso eta berrikuntza egin ditudan azalduko dizkizuet orain.

    Lehenik eta behin WordPresseko migrazio tresnari esker Bloggerreko mezuak ekarri nituen. Oso erraza izan zelarik. Beste tresna baten bidez orain arte Bloggerreko etiketak Kategoria bilakatu zirela ikusiz, berriro ere etiketetan bihurtu nituen. Oraindik arazo bat zegoen, zer gertatzen da aurreko blogeko mezuetara sartzen saiatzen direnekin? Horretarako esteken egitura aldatu eta .htaccess fitxategi bat gehitu behar izan nuen. Hauek hain zuzen ere:

    Permalink egitura

    /%year%/%monthnum%/%postname%/

    .htaccess

    <IfModule mod_rewrite.c>
    RewriteEngine On
    RewriteBase /
    RewriteRule ^([0-9]{4})/([0-9]{1,2})/([^/]+)\.html$ $1/$2/$3/ [QSA,R=301,L]
    </IfModule>

    Hau egin ostean Diseinua aukeratu eta horretarako Clockwork simple aukeratu dut. Zerbait sinplea baina interesgarria nahi nuen eta aukera ona iruditu zitzaidan. Aldaketa batzuk egin dizkiot hAtom eta xFolk mikroformatuak onartu ditzan. Horretaz gain zenbait euskaraketa ere egin behar izan ditut ez baitzegoen guztiz lokalizatua.

    Hemendik aurrera nahi nituen gauza berriak txertatzen ibili naiz. Nahi nituen gauzak:

    • Mikroformatuak erraz sartzeko scripten bat.
    • Open IDa onartzea erabiltzaileentzat behintzat.
    • AntiSPAM sistema ona.
    • Twitterrekin integrazio bidirekzionala.
    • SEO ezaugarriak
    • Podcasta egiteko aukera izatea behintzat.
    • Feevyrekin integrazioa.
    • Bertsio mugikorra izatea.
    • QR-kodeak erabiltzen hastea.

    Esan daiteke nahi nuen guztia lortu dudala:

    • Mikroformatuak erraz sartzeko scripten bat: Micro Anywhere gehigarriaren bidez hCard eta hCalendar mikroformatuak era errazean txertatzeko aukera izango dut.
    • Open IDa onartzea erabiltzaileentzat behintzat: WP-OpenID gehigarriaren bidez erabiltzaileek bere Open ID hori erabili ahal izango dute erantzunak uzteko eta beste hainbat gauzetarako.
    • AntiSPAM sistema ona: Akismet plugin famatuari esker SPAM gehiena gelditzea espero dut. Horretarako WordPress.com gunean izen eman behar izan dut gako berezi bat lortu ahal izateko.
    • Twitterrekin integrazio bidirekzionala: Honetarako Twitter Tools erabili dut eta era ezberdinetan egin dut integrazioa. Blogaren goiko partean ticker moduan nire twitterreko azken mezua agertzen da. Horretaz gain atean behin Twitterren egindako mezuen laburpen bat agertu da nire blogean eta blogean mezuren bat idazten badut Twitterren ere blogeko mezu honen berri emango da.
    • SEO ezaugarriak: All in One SEO Pack erabiliz nire blogaren SEO ezaugarriak hobetzea espero dut. Gehigarri honek egiten dituen zenbait aldaketari esker bilatzaileek nire bloga hobeto jasotzeko esperantzarekin instalatu dut.
    • Podcasta egiteko aukera izatea behintzat: podPress gehigarri hoberenetarikoa da. Bloga podcasta egiteko tresna bikain batean bilakatzen du. Ez dakit erabiliko dudan baina hasieratik instalatu nahi nuen.
    • Feevyrekin integrazioa: Niretzako oso garrantzitsua da nire sarearen mezuak erakustea eta horretarako Feevy erabiltzen dut. Bertan 3 atal ditut denak batera agertzen badira ere, nire ekimenak, parte hartzen dudan proiektuak eta nire lagunen edo intereseko pertsonen blogak (eguneratu behar dudan hurrengo gauza). Feevy Widget tresnaren bidez era errazean integratzeko aukera izan dut dena.
    • Bertsio mugikorra izatea: Bertsio mugikor bat izatea aurtengo erronka bat zen eta horretarako WordPress Mobile Edition erabili nahi nuen. Instalatu ondoren lokalizatua ez zegoela ikusi eta gainera hobekuntzaren bat egitearen beharra ikusi dut. Horretarako euskarara itzuli eta Bereziak izeneko kategoria bateko mezuak erakusteko moldaketa bat egin dut. Ez dut prestatu baina norbaitek nahiko balu eska diezadala. Emaitza ikusi nahi baduzu emulatzaile hau erabil dezakezu.
    • QR-kodeak erabiltzen hastea: Nabarituko zenuten jada nahiko fijazio handia dudala mugikortasuna eta web semantikoaren gaiarekin. Horregatik modu esperimentalean QR-kodeak erabili nahi dituztenentzat QR-code bat ikusiko dute izenburuaren azpian. Kode horren bidez era errazean sartu ahal izango dira mugikorra erabiliz pantaila baten aurrean ikusten ari diren mezu batetara edota beraien mugikorrean gorde ahal izango dute esteka hori ondoren ikusteko.

    Aurkezpen txiki bat ere egin dut ezagutzen ez nauen jendeak zer egiten dudan ezagutzeko eta ezagutzen nautenek farre batzuk botatzeko.

    Blog berriarekin helburu berrituak ere badaude. Jendartea eta teknologia uztartzen jarraituko du horretan ez dago dudarik. Honetaz gain EKIBE eta MUDSS gaien inguruan lan berezia egiten jarraituko dut. Hauek izango dira hemendik aurrerako lerroak ea gustatzen zaizkizuen.

     

  • UNI Encounterren egongo naiz

    0:56 on 2008-04-09 | 0 Comment Permalink | Reply
    Tags: erdf, ermua, , , mikroformatuak, , semantic web, uniencounter, , , web2.5, web3.0

    Gaur UNI Encounterren egongo naiz 16:00tan hizlari moduan, gaia: Web 2.5 (web 2.0 parte hartzailea eta web 3.0 Semantikoaren arteko bidean).

    WWW berri baten hastapenak. Informazioari orain dauden baliabideekin semantika gehiago emateak informazio horrekin gauza gehiago egin, informazioa nahastu, ordenatu eta berrerabiltzeko ahalmena emango digu. Orain erabiltzen diren tresnak erabiliz gauza gehiago egin eta zerbitzu deszentralizatuagoak sortzeko aukera emango duten mikroformatuak eta antzerako teknologiak azalduko dira praktiko batean.

    Nirekin batera beste batzuk ere egongo dira hau da gaurko egitarau osoa:

    * 16:00 – 17:15 Web 2.5 (web 2.0 parte hartzailea eta web 3.0 Semantikoaren arteko bidean). Gorka Julio. (Elurnet). Euskeraz

    WWW berri baten hastapenak. Informazioari orain dauden baliabideekin semantika gehiago emateak informazio horrekin gauza gehiago egin, informazioa nahastu, ordenatu eta berrerabiltzeko ahalmena emango digu. Orain erabiltzen diren tresnak erabiliz gauza gehiago egin eta zerbitzu deszentralizatuagoak sortzeko aukera emango duten mikroformatuak eta antzerako teknologiak azalduko dira praktiko batean.

    * 17:30 – 18:45 Medición y Gestión de los Niveles de Servicio. F. Javier Diéguez (CISA, CISM).

    * Marco de Trabajo: Qué es la Gestión del Nivel de Servicio.
    * Medición: Indicadores, Métricas.
    * Reporte: Cuadros de Mando, Informes de Seguimiento.
    * Algunos ejemplos de indicadores aplicados al mundo de la Seguridad de la Información.

    * 19:00 – 19:50 Tecnología RFID. Oportunidades de negocio. Iratxe Ugalde (Teknotag). Castellano

    Hurrengo egunetako informazioa UNI Encounter IV web gunean.

     

  • Euskarazko bi ikastaro emango ditut Eibarren

    3:33 on 2008-03-04 | 0 Comment Permalink | Reply
    Tags: , , , mikroformatuak, sindikazioa, teknologia berriak, , web semantiko,

    Elurnet eta UEUk elkarlanean aurten Internet eta teknologia berrien inguruko euskarazko ikastaroak prestatu dituzte. Gai berriak eta interesgarriak eta egitura berritzaileago, trinkoago batean.

    INFORMAZIO UHOLDEA KUDEATZEN IKASI (2 egun)

    2008ko Apirilaren 16a – 2008ko Apirilaren 17a
    Sindikazioa aspalditik erabilgarri bazegoen ere ez da blogen eztanda iritsi arte hedatu. Orain esparru hori erabat gainditu du eta interneteko leku gehienetan aurkitzen dugu sindikatzeko aukera. Honek informazio iturri ezberdin ugarietara harpidetzeko aukera ematen digu beti ere informatuak egon gaitezen. Gero eta garrantzitsuagoa da informazioaren kudeaketa egokia egitea. Gure esparruko berriak ezagutu, gure enpresa, talde, elkarteari buruz esaten dena ezagutu, alertak jaso etab. egin daiteke tresna hauen bidez. Informazioa jasotzeaz gain besteekin (talde publiko zein pribatuekin) informazio hau trukatzeko aukera handiak ematen ditu. Informazioa era parte hartzaile batean elkartrukatzeko aukera emanez. Gure edukiak gure esparrutik kanpo ere zabaltzeko aukera ematen dute jarioek. Hauen formatu estandarrari esker edukia mila lekuetan jartzeko aukera ematen dute esfortzu minimo bat eginez. Enpresa, elkarte edo taldeek gaur egungo interneten entzun eta sindikazioan oinarritutako informazio kudeaketa berritzaile bat egiteko beharra dute.
    [informazio gehiago] [izen eman]

    WWW BERRI BATEN LEHEN URRATSAK (egun 1)

    2008ko Maiatzaren 16a
    Tim Berness Lee-k proposatu zuen WEB SEMANTIKOaren ideia gauzatzeko aukera oraindik urrun ikusten denean, Interneti balio semantiko gehiago ematen dioten zenbait teknologia sortzen hasi dira. Teknologia horiek gure informazioa baliagarriagoa eta aberatsagoa egiten dute. Horien artean Mikroformatuak, RDFa, GRDDL aurkitzen ditugu. Ikastaro honetan batez ere mikroformatuetan sakonduko da, nahiz eta aipatutako beste horiek ere jorratuko diren. Mikroformatuak gaur egungo Interneten erabiltzen diren estandarrak erabiliz bertan dagoen informazioari zentzu semantiko bat emateko jaio dira. Mikroformatuetan oinarrizko proposamenak pertsonak jartzen ditu makinen aurretik. Sortzen den informazioa irakurtzeko gaitasuna izango dute pertsonek baina baita makinek ere. XHTMLk XMLn egindako formatu konkretu bat izanik informazioa gordetzeko aukera ematen baitu.
    [informazio gehiago] [izen eman]

     

  • Mikroformatuak eta grafiko soziala

    3:08 on 2008-02-04 | 2 comments Permalink | Reply
    Tags: api, , , mikroformatuak,


    Googlek API berri bat kaleratu du. Socialgraph API berri hau erabiliz aurretik beste era batean egin nuen grafiko sozialak sortzeko aukera egon daiteke. Berriro ere mikroformatuak agertzen dira kasu honetan XFN (baina baita FOAF formatua ere).

    Adibide moduan txioka sarearen kontaktu sarea ikus dezakezue.

    Esker mila Arkaitz!

     

  • Nire gela baino nire ideiak ordenatzea nahiago (2008an egin nahi ditudanak)

    1:06 on 2007-12-15 | 1 Comment Permalink | Reply
    Tags: , , mikroformatuak, , , , , , ,

    Urtea azken txanpan dugu eta badakit era honetako mezuak meme batean bilakatzen direla garai hauetan baina gaur hau idatzi behar dut. Hurrengo urtean zer egin nahi dudan pentsatzen nabil eta ideia batzuk hemen idatzi nahi ditut nire burua ere antolatzeko.

    • Testuinguru mugikorrarekin hasitako bidea jarraitu, proba eta esperimentu berriekin.
    • Txioka sareak erakutsitakoari alderdi komunikatzaile potenteago bat eman eta txioka sarearen ideia beste batzuk erabili dezaten prestatu.
    • Mikroformatuak, RDFa, eRDF eta Web Semantikoaren inguruko ikerketa jarraitu eta sare sozialen portabilitatea, openid eta oauth-ean buru belarri sartu.
    • Parte hartze bideak aztertzen jarraitu Wikien estandarizazioa eta elkarrekintza sinple baten bidez ezagutza modelatzeko ideia eta esperientzia berriak gauzatu (burua bor bor). Hau gizartera nola eraman?
    • Blogak identitatea azaleratzeko duten garrantzia, sare sozialetako gure profila bertan dagoela pentsatu eta honek izango duen eraginean pentsatu. Sare banatuen egitura interesatzen zait.

    Listo honekin lehenengo 6 hilabeterako behintzat badaukat. Orain jario garbiketa eta iturri berrien bilaketari ekingo diot helburu hauek lortzeko bidean. Eta zuek?

     

  • Mikroformatuak GRDDLrekin askoz hobe

    2:14 on 2007-11-09 | 4 comments Permalink | Reply
    Tags: , , , mikroformatuak,

    Atzo Mikroformatuei buruz hitz egin nuen, gaur GRDDLri buruz. Ez baita ezer kostatzen hCalendar (edo beste mikroformatu bat hemen daude sortutako bihurtzaileak) erabiltzen duten web guneak GRDDLatzea eta honek ekar dezakeen onura handia izan daiteke.

    Gleaning Resource Descriptions form Dialects of Languages [GRDDL Primer]

    XML erabiltzen duten eta RDFarekin bateragarri diren hizkuntza ezberdinak eta hauek RDFra bihurtzeko erabili beharreko algoritmoa zehazten duen mekanismoa da. Esan daiteke, web semantikoak behar zuen itsasgarria dela.

    Dokumentuaren burukoan GRDDL definitzen duen profila eta beherago erabiliko diren bihurtzaileak (XSLT) definitzen dira bertan.

    <head profile=”http://www.w3.org/2003/g/data-view”>
    <title>Robin’s Schedule</title>
    <link rel=”transformation” href=”http://www.w3.org/2002/12/cal/glean-hcal”>
    </head>

    Honekin lortuko duguna da edozein agente inteligente (GRDDL ulertzen duena) gure web gunetik pasatzean, bertan dagoen edukia zein den eta RDFra nola pasa behar duen jakitea. Hortik ondoren edukiekin nahi duguna egiteko. Hau da web semantikoa eta WEB SEMANTIKOAREN lotura dela esan daiteke. Horren irudia hau izan liteke.

    Txiokak adibidez bere agenda osatzeko garaian erabiltzen du.

     

  • Mikroformatuak Hitza berrietan

    8:52 on 2007-11-08 | 5 comments Permalink | Reply
    Tags: agenda, , , , hitza, , mikroformatuak, tag

    [Eguneratua] Mikroformatuak (zer dira | microformats. org) hitza berriek mikroformatutako agenda bat (eta laster gehiago) dakartzate. Denek hori egingo balute meta agendak egiteko aukera izango genuke. Zorionak Hitza berriei hCalendar mikroformatua erabiltzen hasteagatik.


    http://www.urola-kostakohitza.info
    Prentsaren munduan beste batzuk ere egon dira aurretik

    Datorren urtean honekin lanean jartzeko gogoa daukat apuntatu nahi duenak urte berriarekin batera martxan jarriko den ekimen honetan parte hartzeko deia irekia dago.

     

  • Web 2.0 Hemen, IEB07ko argitalpen digitala

    10:54 on 2007-10-26 | 6 comments Permalink | Reply
    Tags: , , mikroformatuak,

    Atera da IEB07n egindako hitzaldien argitalpen digitala (PDF), ea zein den zuen iritzia eta joan ezin izan zutenentzako hor doa bertako mamiaren zati bat.
    Gaiak eta egileak:

    • WEB 2.0 sarrera. Joxe Arantzabal
    • Interneten izaera aldatzen ari diren formatu eta mikroformatuak. Gorka Julio
    • TOLOSALDEA eta pantailaren atzealdeko estrategia. Iñigo Balerdi
    • Zabaldu.com albistegi kolektiboa Arkaitz Zubiaga
    • Euskal Herria 2.0. Iratxe Esnaola
    • GPLv3 eta erronka berriak. Aitor Soroa

    Ausentzia batzuk ere badaude (Maitek berea ere egin zuen baina ez da agertu ea konpontzen duten) bertan erabili ziren materialak baditugu oraindik.

     

  • Nire sarea erakusten

    7:19 on 2007-09-08 | 1 Comment Permalink | Reply
    Tags: , , mikroformatuak, ,

    Jadanik inor ez gara gu, egiten duguna edota inguratzen gaituzten pertsona taldeen lan eta ekintzak kontutan hartzen ez baditugu. Nire sarea(eskuinean) atala berritu dut eta bertan nire lanak, interesatzen zaizkidan blogak, lagunak eta auzolandegiak sartu ditut. Adierazgarrienak iruditu zaizkidan irudiak sartu ditut bakoitzean, batzuetan argazkiak, besteetan logoak, besteetan irudi zatiak etab. orain nire interneteko izaera eta sarea hoberen islatzen duen atala dela uste dut. Hau hobeto egin ahal izango nuke Feevy xfn bezalako mikroformatua erabiltzeko aukera emango balu, era honetan gehitutako iturri bakoitza zergatik sartu dudan definitzeko aukera izango nuke. Sortzaileei gomendatu diet eta beharbada aukera hau ere inplementatuko dute, asko eskertuko nuke egia esan.

     

  • Bagoaz web ubikuo eta semantikorantz

    22:30 on 2007-08-27 | 7 comments Permalink | Reply
    Tags: , , mikroformatuak, , semantic, ,

    Argi dago bagoazela web ubikuo eta semantikorantz. Bidean gaude, kanpaiek aspaldi jo zuten web ubikuo eta semantikoaren iritsiera baina orain da garaia. Web ubikuoari pauso bakar bat falta zaio eta pauso hori internet konexio mugikorren salneurrien jaitsiera (edo tarifa laua) da. Nik jadanik askotan erabiltzen dut posta elektronikoa, jario irakurgailua eta mapak irakurtzeko nire mugikorra. Noski nire mugikorrak wifia dauka eta ez dut ordaintzen baina hori ez da arrunta (nire super mugikorra jardunaldi batzuetan tokatu zitzaidan). Hala ere, batzutan internet erabili izan dut baina nahiko garestia iruditzen zait oraindik. Beharbada, oraindik txutxumutxu bat den googleren mugikor berria tarifa lau bat ekartzen du eta merkatua berriro txikitzen du. Pena da gure ingurunean (eta ez beti googlek) honek kriston arrakasta izan dezakeela ez konturatzea. Niri interesatzen zaidan mugikorra oraindik ez da jaio (ikusi behar da googleren mugikor hori zein punturaino den ona eta librea) baina interes handiko proiektuak daude jada.

    Web semantikorako bidea hasi da jada mikroformatu, RDFa etab. baina hauek batuko zituen hizkuntza bat behar zen eta hori da GRDDL, web semantikoak behar zuen itsagarria. Informazio semantikoa duten hainbat atalen hizkuntzak ulertu eta RDF lengoaira eraldatzeko bideak erakusten ditu. Honekin batera 2 munduak elkar lotzen dituen nanoformatuekin jolasten ere jarraitzeko intentzioa daukat, horren adibide bat jada txioka twitter komunitatea dugu, berrikuntza gehiago ekarriko dituena irailean.

    Hurrengo ikasturteari begira mikroformatuak.com blog eta informazio eta esperimentazio gune bat irekiko dut, nahi duenak nirekin ikertu eta jolastu ahal izateko. Apuntatzen zarete?

     

  • Jaiakbizi.net beste ikuspuntu bat

    22:46 on 2007-07-12 | 0 Comment Permalink | Reply
    Tags: , , jaiakbizi, mikroformatuak,

    Jaiakbizi web gune berria martxan jarri da. Bertan edonork bere jaien egitarauaren berri emateko aukera dago eta era berean bertara joan eta han egoteko behar duzun informazioa eskuratu ahal izango duzu.

    Web gune honek duen gauzarik hoberena Euskal Herriko kanpin guztien mapa eta informazioa da. Mapa Tagzaniaren bidez egin dute eta informazioa mikroformateatu dute.

    Mikroformatuei     esker bidaia ez da Jaiakbizi web gunean amaitzen. Ematen dituen aukerei esker informazio horiek mapetan ikus daitezke Operator tresna barrari esker adibidez.

     

  • Bildu.net udarako sugea

    0:28 on 2007-07-06 | 1 Comment Permalink | Reply
    Tags: , , , mikroformatuak,

    [EGUNERATUA]Bildu atera genuenetik nahiko 9 hilabete inguru pasa dira eta gutxinaka gutxinaka aurrera doa. Azken bi egunetan manuala eta operator tresna barrarentzako mikroformatuak irakurtzeko scriptak agertu dira eta oso pozik gaude. Aurretik tresna ugari genituen, denak hemen bildurik daude. Denak bildun errazago ibiltzeko eginak.

    Mikel Olasagastik egindako Operator scriptak (esker mila)

    • Bildu.net-en bilatu: Edozein web gunetan etiketa bat (rel=”tag” erabiltzen badu) aurkitzen bada informazio gehiago aurkitzeko bildu.net-en etiketa hori erabiltzen duten loturak ikusteko aukera ematen du.
    • Bildu.net-en gorde: Edozein web gunetan esteka sorta bat (xFolk erabiltzen badu) aurkitzen bada, hauek automatiko bildu.net-era gehitu daitezke duten informazio guztiarekin batera.

    Bildu.net datu batzuk
    Lan ederra egiten ari gara denon artean, jadanik milaka web guneri etiketak eta euskarazko deskribapenak gehituz. Honi esker gero eta errazagoa da informazio interesgarria bildun eta interneten ere. Honetaz gain euskarazko edukia etiketatzeko aukera eman genuenetik gero eta euskarazko material gehiago biltzen ari gara. Datu batzuk:
    Etiketa kopurua: 3427
    Gordetako esteka publiko kopurua: 4117
    Euskarazko eduki bezala markatutako estekak: 326
    10 etiketa erabilienak

    eu 326
    euskara 297
    web2.0 286
    internet 261
    irratiacom 252
    blogak 220
    argazkiak 186
    hezkuntza 161
    web 160
    entitateak euskaldundu 153
    soziolinguistika 137

    Bilduren erabilpen irudimentsuetan interesatua. Bildu.net erabiltzen duzuenok zertarako erabiltzen duzue? Uste duzue tresnak blog propio bat merezi duela informazioen berri emateko? Beno bota ideiak.

     

  • hCalendar ere presente IEB07n

    12:51 on 2007-05-07 | 0 Comment Permalink | Reply
    Tags: , , , , mikroformatuak, , votelinks

    hCalendar mikroformatua ekitaldiak kodetzeko erabiltzen den mikroformatua ere erabiltzera gonbidatzen zaituztet. Badakit egun hauetan honekin txapa handia ematen ari naizela baina adibide euskaldunak ere jarri nahi ditut hitzaldian.

    Parte hartzeko orain arteko hCard eta Votelinks erabiliz egin dezakezuen bozketa deszentralizatua betetzeko eskatzeaz gain hCalendar erabiliz ekitaldiren bat kodetzea ere eskatu nahi dizuet.

    Pausoak hauek

    hCalendar mikroformatuaren bidez ekitaldiak, ekimenak etab. kodetu daitezke data eta ordu konkretu batean izango direla esanez.

    • hCalendar sortzailea erabiliz ekitaldi baten informazioa sortu.
    • Zure blog edo web gunean txertatu ematen zaizun kodea.
    • Bidali erabili duzun tokiaren URLa.
     

  • Parte hartu mikroformatuak erabiliz

    13:47 on 2007-05-03 | 0 Comment Permalink | Reply
    Tags: , mikroformatuak, mikromundua,

    Informatikari euskaldunen bilkuran hitzaldi bat eman behar dut izenburua ” Interneten izaera aldatzen ari diren formatu eta mikroformatuak”. Bertan mikroformatuen erabilpena etab. buruz hitz egingo dut eta zuen parte hartzea behar dut euskarazko adibideak eduki ahal izateko.

    Bi eratan parte hartu daiteke:

    hCard erabiliz
    hCard mikroformatuaren bidez gure kontaktu informazioa txertatu dezakegu web gune batean

    1. hCard sortzailearekin zure kontaktu informazioa sortu.
    2. Zure blog edo web gunean txertatu ematen zaizun kodea.
    3. Bidali erabili duzun tokiaren URLa.

    VoteLinks erabiliz
    VoteLinks bozkak adierazteko mikroformatua erabiliz bozketa deszentralizatu bat egiteko deia egiten dizuet. Proposatzen dizuetan galdera Google aingeru edo deabru delarik.

    1. Google aingeru edo deabru? Galdera honi erantzuna eman zure blog/web gunean web gune honetan ematen diren kodeak erabili.
    2. Klik egin zure blog/web gunean sartutako kodeak sortu duen estekan

    Zuen parte hartzea oso garrantzitsua da niretzat, interesgarria iruditzen bazaizu egin eta deia zabaldu. Ongi etorri Mikromundura!
    ______
    info +

     

c
compose new post
j
next post/next comment
k
previous post/previous comment
r
reply
e
edit
o
show/hide comments
t
go to top
esc
cancel