Gipuzkoa mailako herri kontsulta

Atez-atekoa eta 5. edukiontziaren inguruko liskarra aukera bat izan daitekeela uste dut. Demokrazia parte-hartzailea sustatzeko aukera bat. Batzuek esango dute galdera batzuk egitea ergelkeria dela eta beharbada arrazoia dute.

Egilea: Dr-Mastermind| Lizentzia: cc-by-nc-nd

Hala ere, ea hemen nire proposamen zehatza. Legazpikoa bezala, beste Gipuzkoako herri guztietan galdeketak egitea eta adostasun global bat sinatzea. Legazpiko kontsulta erabat kondizionatua dagoela kontutan hartu behar da, ofiziala izateko deitzailea instituzio ofizial batek behar luke izan. Orain arte egin diren era honetako milaka kontsulten zilegitasun eza azaldu beharko lukete batzuek bestela.

Adostasun globala – Euskioto

Metodoa edozein izanik ere, bi urteren buruan, 2015erako birziklatze tasa %70-%80 artean kokatzea. Epea amaituta, helburua lortu ez dutenek beste neurri efektiboago batzuk hartzeko konpromisoarekin.

Galdeketak

Bi galdera lirateke herri eta lurralde mailakoak. Bata birziklatze metodoaren bueltan eta bestea erraustegiaren ingurukoa. Birziklatze metodoen artean bi dira nagusiak (tarteko biderik ere agertu den arren…).
1. [Herri maila] Bostgarren edukiontzia edo atez-ateko sistema (beste aukera batentzako bidea ere utzi daiteke).
2. [Lurralde maila] Erraustegia edo zaborra tratatzeko planta alternatiboa.

Eremua Gipuzkoa osoa, egun bakarra eta fiskalizatutako bide ofizialak erabiliz. Niretzako fondoko benetako gaia erraustegi horren ez-beharra da. Ea behingoz honela, politikoki triskantza eremu bakar bezala erabiltzeari uzten dioten alderdiek. Nazkatu naiz albistegi guztiak zaborraren gaiarekin irekitzea. Etorkizuna dago jokoan eta etorkizuna badago, zaborrik gabekoa behar du izan.