Aurkezpena

cc-by-sa

Gorka Julio Hurtado da nire izena, andoaindarra, Aita Manuel Larramendi ikastolako ikaslea, informatika ingeniari teknikoa (EHU) eta software libreko masterreko titulatua – [Dirección de sistemas de información en entornos de software libre] (UOC).

Profesionalki orain Talaios kooperatiba sortzaileetako bat naiz eta bertan egiten dut lan. Lanen artean tresnak&garapena, estrategia&analisia eta prestakuntza&ahalduntzea eta ekonomia&eraldaketa lantzen ditugu. Nire lanak bereziki web garapena, tresna sozialak, sare sozialak, mugikortasuna, e-irakaskuntza, parte-hartze tresnak, informazio analisia, sare sozialen analisia, informazio kudeaketa, estrategia teknologikoen diseinua izan dira. Kooperatibismoa eta orohar Ekonomia Sozial Eraldatzailearen sustatzaile ere banaiz, Koop57 EHko kide aktibo eta Olatukoop-eko partaide.

Teknologia eta batez ere Internet dut gustuko eta bertan gertatzen diren gertakari eta joera guztiak aztertzen saiatzen naiz. Hauetako bi adibide Blogari blog plataforma (Elurnet enpresan nengoela sortu genuena) eta microblogging nanoformats.

Formatzaile moduan EHU, UEUk eta Asmoz fundazioaren software libre graduondokoan irakasle izan naiz, baita Enpresa Digitalean antolatutako beste hainbat ikastaroetan ere. Euskararen irakaskuntzaren alorrean ikastaroak (online eta presentzialak) eman ditut HABE, AEK, Udal euskaltegiak… Orain, Mondragon Unibertsitatearen Lidergo Ekintzailea eta Berrikuntzako LEINN graduko irakaslea naiz (Madrid, Bartzelona, Queretaro, Valentzia, Irun…). Hainbat urtetan Informatikari Euskaldunen Bilkuren laguntzaile lanetan ere ibili izan nahiz.

Hainbat proiektu sortu eta beste batzuetan parte hartu izan dut. Sortutako batzuk Bildu, Txioka, Bloginfluence, microblogging nanoformats, gauzeinternet.com, itzalagunea.com. Beste maila batean Zabaldu edo EuskalTuben parte hartu izan dut. Horietako batzuk Arraytxiki web laborategiaren izena izan zuen esperimentu baten parte izan ziren.

Komunikazioaren eta hacktibismoaren inguruko gaiak ere asko interesatzen zaizkit. Indymedia Euskal Herriaren sorkuntzan egon nintzen eta ondoren Ttan-Ttakun irrati librean programa bat egin ostean, podcast bat egiten hasi nintzen bakarrik.Taosa (TTanTTakun, Zintzilik, Info 7) programa egin genuen gero. Beste irratietako kolabaratzailea ere izan naiz: Radio Euskadiko sarelari tertulian kolaboratu izan dut, baita Zebrabidea (Hala Bedi, Tas-Tas, Antxeta, Info7) programan, Kalegorrian (Info7)  eta oraindik ere Euskadi Irratiko Amarauna programaren tertulian ere parte hartzen dut. Orain Etzi.pm hedabide digitala ateratzen dugu aurrera, bertan Periskopioa egiten dugularik.

Prentsan, Gaztezulon bost urteetan zehar kolaboratzaile bezala aritu naiz eta gaur egun Berria egunkarian Irlen Sarea zutabea idazten dut, Bizkaiko Ikastolen Elkarteko Kontaizu aldizkari elektronikoaren Sarean atalaren eta Jakin aldizkariko Telepolis atalaren arduraduna ere banaiz.

BakalHau ekimenaren parte ere banaiz. Teknologia ardatz nagusi moduan ekonomia eraldaketa bat bilatzen duen, kultura eta zientziaren arloetan lan egiten duten pertsonen komunitate bat. Hori baino lehen, orain komunitate horren baitako Blogsoviet izeneko ekimena ere martxan jarri genuen. Horrekin batera, Eraldalab – Eraldaketa Sozialerako Laborategiak, gizarte eraldaketarako teknologiaren potentzialak aztertu, eta jendartearen eraldaketarako aplikazio praktikoak bilatu eta esperimentatzeko guneak sortzen ere lan egin dugu.